Forgeewe bedüürt air slecht dail forgeete wat air måkt urer sägt hät un sich ni mër dårweegen traurig forneeme. Åwer dat däit ni bedüüre dat’s duu soo daue must as wen nischt passijrt is, urer wat dai anerd måkt hät, is ni soo slim wääst.

WAT SÄGT DAI BIJBEL? “Daut juuch ümer wijrer air der ande uuthule, un ümer juuch air der ande forgeewe, lijkerst wen air uk recht hät taum sich gëgen der ande klåge.” (Colossenses 3:13)

“Wen’s duu aine mësche lijbe däist, duu däist dij ni anhule an dem sijn fëgels. Åwer duu däist dij anstrenge taum saie dai daile wat dai mökt taum beeter ware.” - Aaron.

Argren forwåre, kan sogår dij krank låte un kan dijn forfrigte leewend wat schåre.

“Mij kërl hät mij ais forlangt dat ik em forgeewe däir weegen air dail wat mij sër argret hät. Is sër slim wääst em forgeewe, åwer ik häw dat måkt. Mij däit bloos lëd dat ik em ni glijk forgeewt häw. Hät sich nischt loont air mit dem ande traurig sin.” - Julia.

DAU AIS DENKE

Anerd mål wen dij kërl urer dijn fruug dij traurig löt, dau dij fråge:

• Dau ik tau waiklig sin?

• Is dat wirklig soo slim wääst wat passijrt is? Mut ik wirklig dat dai anerd mij forlangt dat ik dem forgeewt urer kan ik dat bloos forgeete?

DAUT BËD T’HOOPFORTELE

• Wofeel tijd bruuke wij taum air der ande forgeewe?

• Wat koine wij måke taum air der ande glijk forgeewe?

DIT KAN DIJ HELPE

• Wen dij wat traurig löt, dau ni glijk maine dat dij kërl urer dijn fruug dij argre wul.

• Dau forsuike forgeewe. Dau andenke dat “wij ale daue oos feelmåls forhåke”. (Tiago 3:2)

“Is licht forgeewe wen dai bëd forkërd sin. Åwer is sër slim dat måke wen dat soo löt as bloos air schuld hät. Wen dat soo is, anneeme der ande forgeewe mut feel gewöönligkët tau sin.” - Kimberly.

WAT SÄGT DAI BIJBEL? “Måk rasch aine akord.” (Mateus 5:25)