Wee air gaur arbëdsmësch is, is ni fuul, åwer däit sër gërn arbëre taum sich ernääre un andrer lüür helpe. Dai mökt dat, nog wen dat ainfach arbëd is.

Wij ale häwe feel oiwer oos taum måken. Feel lüür wile ni gërn arbëre. Den, air gaur arbëdsmësch sin is wat schöönes. (Eclesiastes 3:13)

“Mite tijd, ik häw forståe wen’s duu gaud arbëre däist, duu büst taufreere un fröölig dårmit. Dat hät mij hulpe dat ik gërn arbëre dau. Air gaur arbëdsmësch sin däit dij uk helpe aine gaure nåme häwe.” - Reyon.

WAT SÄGT DAI BIJBEL? “Jërer swår arbëd bringt beloonen, åwer bloos fortele bringt armhët.” (Provérbios 14:23)

Taum ain gaur mainung häwe oiwer de arbëd, dau dës daile måke:

Dau lëre dai daile gaud måke un wäs fröölig dårweegen. Hät nischt sägen of’s duu arbëre däist, studijre däist urer t’huus wirtschafte däist, måk ümer dij best. Wen’s duu aine arbëd måken forstäist, dau forsuike der dreler un beeter måke. Ji beeter as duu aine arbëd måke forstäist, ji beeter däit dij dat gefale.

WAT SÄGT DAI BIJBEL? “Däist duu aine kene wat gaud sijne arbëd mökt? Dau waite dat dai beeter is as dai mëste un is wërd t’hoop sin mit dai köönigs.” (Provérbios 22:29)

Dau andenke wosoo as dij arbëd dai andrer helpt. Wen’s duu gaud dijne arbëd måke däist, mëstümer dat däit dai andrer helpe. Soo as, wen’s duu gaud de arbëd t’huus måke däist, duu däist dai gans familg helpe.

WAT SÄGT DAI BIJBEL? “Is mër fruir im geewen, as im krijgen.” (Atos 20:35)

Måk mër as dat wat’s duu oiwer dij häst. Dau ni taufreere sin bloos mit wënig måken. Dau mër måke as wat dij forlangt is. Soo, häst duu ales ine raich in dijn leewend un däist mër måke weegen duu dat wilst, ni dat dij dat air sägt hät. (Mateus 5:41)

WAT SÄGT DAI BIJBEL? “Dat dai gaur dail wat’s duu måke däist ni mit gewald måkt wart, åwer jå mit fraiwile.” (Filêmon 14)

Häw ales ine raich. Gaur arbëdslüür sin ni fuul, åwer daue sich uk ni tau dul häwe hijner arbëd. Sai forsuike ales ine raich häwe, arbëre un uk tijd häwe taum uutroogen.

WAT SÄGT DAI BIJBEL? “Is feel beeter ain handful uutroogen as twai häinful swår arbëd un hijner wind loope.” (Eclesiastes 4:6)