“Wen jij irgends air dail dem Fåter bire in mijn nåme, hai giwt juuch dat.” (João 16:23)

Dit wat Jësus sägt hät löt klår dat Jehovaa wil ni dat wij tau em beere doir bijler, ängels urer doir dai wat al dood sin, åwer in Jësus Kristus sijne nåme. Wen wij beere tau God in Jësus sijne nåme, wij daue wijse dat wij waite dat God oos gebeeds hööre däit doir dat wat Jësus for oos måkt hät. Jësus hät sägt: “Kair kümt nåm Fåter, wen dat ni doir mij is.” (João 14:6)

“Måkt juuch härts foir em up.” (Salmo 62:8)

Wen wij beere tau Jehovaa, wij muite dat soo måke as air kind wat mit sij lijblig papa fortelt, ni ümer dai neemlige wöör säge wat wij uutm kop waite urer dai ruuterleese uut air gebeedbauk. Wen wij beere, wij muite dat måke uutm härts un wijse dat wij God ëre.

“Kan sin wat is, wat wij em bire, wat mit em sijn wile t’hoopstimt, hai däit oos hööre.” (1 João 5:14)

Doir dai Bijbel, Jehovaa sägt oos wat hai tau oos måke däit un wat wij tau em måke schåle. Wen wij wile dat God oos gebeeds anneeme däit, wij muite nå “sijn wile” beere. Dårtau wij muite dai Bijbel studijre taum God gaud kenelëre un den, däit hai oos gebeeds hööre.

Duu kast beere oiwer dat wat’s duu bruukst. Duu kast tau God beere taum eeten häwe, taum wat taum antreken häwe un uk ain stel taum wånen. Duu kast uk klaukhët forlange taum gaur uutsuiken måke un kraft häwe taum dai swårhëte doirsete. Wij koine uk forlange dat God oos helpe däit mëre gloobe häwe, em sijn hülp un dat hai oos süün forgeewe däit. (Lucas 11:3, 4 un 13 un Tiago 1:5 un 17)

Beer for dai andrer. Papa un mama wat sijn kiner lijbe, daue sich frööge wen eer kiner sich gaud inenaner sin un lijbe sich. Jehovaa wil uk dat sijn kiner hijr upe Ër sich bekümre daue air mit dai andrer. Wij koine beere for oos fründ, kërl, fruug, kiner un for dai woo wij gaure ümgang mit häwe. Ine Bijbel, Tiago hät soo sägt: “Daut beere air for dai andrer.” (Tiago 5:16)

Dau danke for dat wat’s duu häst. Ine Bijbel stäit soo oiwer Jehovaa: “Hai hät gaurigkët weese doir eer reegen geewe fom himel un gaur ernt, hät eer sat måkt mit eeten un hät eer härts fröölig måkt.” (Atos 14:17) Wen wij oos tijd ruuterneeme taum angrüüwlen an ales wat God for oos måkt hät, wile wij beere taum em danke. Gewiss, wij wile dankbårkët tau God wijse doir em horge. (Colossenses 3:15)

Wekmåls kast duu traurig ware wen God ni glijk dijn gebeeds antwoore däit. Åwer däit dat bedüüre dat God sich ni bekümre däit mit dij? Gewiss ni! Wiman’s saie wat wek lüür sägt häwe wat wijst dat dat best wat man måke mut is bijblijwe beere.

Steve, woo wij al oiwer fortelt häwe, sägt soo: “Ån beere, ik main ik har küüt ais nij werer fröölig sin.” Wat hät måkt dat Steve aners oiwer dat gebeed denke däir? Hai hät anfånge dai Bijbel studijre un hät lërt woo nöörg is beere un ni nålåte im beeren. Hai sägt: “Ik beer taum God danke for al dai gaure lüür wat mij hulpe häwe.”

Jenny däir maine sai wäir ni wërd dat God eer hööre däir. Sai hät sägt: “As ik ni waite däir wat ik måke schul, ik häw tau God birt dat hai mij helpe däir forståe woweegen ik mij soo forneeme däir.” Wosoo hät eer dat gebeed hulpe? Sai sägt: “Tau God beere hät mij hulpe forståe dat ik wërd häw. Ik dacht ik har kaine wërd, åwer God giwt mij wërd. Beere hät mij uk hulpe ni nålåte.” Wat hät dat ruutergeewt? “Beere hät mij hulpe saie dat Jehovaa God mij lijbt un is air Fåter wat sich wirklig bekümert mit mij. Wen ik bijblijwe dau mij anstrenge taum måken wat em gefale däit, hai wart mij ümer bijståe un helpe.”

Sai uk wat passijrt is mit Isabel. As sai air klairkind luure däir, dai dokters häwe tau eer sägt dat eer kind geboore ware däir mit ain sër slim krankhët. Sai is sër traurig woore. Wek lüür häwe sogår tau eer sägt sai schul dat klairkind afdoktre. Isabel sägt: “Ik dacht ik blëw fon traurigkët dood.” Wat hät sai måkt? Sai sägt: “Ik häw tau God beert un sijn hülp forlangt.” Mite tijd Isabel sij kind, Gerald, is geboore woore mit ain slim krankhët. Däit Isabel maine dat God eer gebeeds antwoort hät? Gewiss doch! Åwer wosoo? Sai sägt: “Mij jong is nuu 14 jår uld un is sër fröölig, lijkerst dat hai ain slim krankhët hät. Ik sai dat hai is dai antwoord tau mijn gebeeds, dai gröötst seegen wat Jehovaa har küüt mij geewe.”

Dit wat dai lüür sägt häwe helpt oos andenke an dat wat stäit in Salmo 10:17: “Ach Jehovaa, duu däist hööre wen dai fråme lüür wat forlange. Däist eer härts stärke un passt sër nå eer up.” Gans sicher däit sich wirklig loone bijblijwe beere.

Ine Bijbel ståe feel gebeeds wat air anerd mësch måkt hät: Jësus. Gans sicher dat gebeed wat Jësus sijne jüngers inlërt hät, is wat dai mëste kene daue. Wat koine wij fon dësem gebeed lëre? Wiman’s saie.