Wij häwe al lërt wek daile wat oos helpe koine forståe wee God is. Airst wij häwe saie dat dai Bijbel wijst dat God sij nåme Jehovaa is un dat sijn oiwerst gaur moor is dat lijb. Wij häwe uk al lërt wat God al måkt hät un wat hai uk nog måke däit taum dai lüür helpe. Åwer sin nog feel daile wat’s duu lëre kast oiwer God. Åwer kan sin duu däist dij fråge: ‘Woweegen loont sich dat oiwer God lëre?’

Jehovaa hät forspråke “wen’s duu nå em suike däist, hai löt dat’s duu em fijne däist”. (1 Crônicas 28:9) Wen’s duu wirklig God kene däist, duu däist air gaur geschenk krijge: aine ‘starke ümgang mit Jehovaa’! (Salmo 25:14) Wosoo kan dat gaud tau dij sin aine starke ümgang mit Jehovaa häwe?

Duu kast wirklig fröölig sin. Ine Bijbel stäit Jehovaa is dai ‘fröölig God’. (1 Timóteo 1:11) Aine gaure ümgang mit God häwe un em nåmåke däit dij helpe wirklig fröölig sin. Dat wart gaud sin tau dijn gesundhët un tau dijn gedanke. (Salmo 33:12) Wen’s duu dij anstrenge däist gaure daile måke un gaure ümgang häwe mit dai lüür, duu warst uk frööliger. Soo, duu däist saie dat wirklig wår is wat stäit in Salmo 73:28: “Tau mij, is gaud näig an God kåme.”

God däit dij gaud uppasse. Jehovaa hät forspråke tau dem wat em horge däit: “Ik dau dij formånen geewe mit mijn oogen nip up dij.” (Salmo 32:8) Jehovaa däit ale dai wat em sijne wile måke gaud uppasse un giwt eer ales wat sai bruuke. (Salmo 139:1 un 2) Wen’s duu dijne ümgang mit Jehovaa stärke däist, duu däist saie hai däit dij ümer mithelpe.

Gaure daile daue mit dij passijre in dai tijd foiruut. Jehovaa God däit dij helpe waite wosoo nuu fröölig sin. Åwer hai däit uk dij wijse wosoo as duu frööliger kast sin in dai tijd wat nog kümt. (Isaías 48:17 un 18) Ine Bijbel stäit: “Dit bedüürt leewend up ümer: dat sai dij kenelëre, dai ainsig wår God, un der wat’s duu schikt häst, Jësus Kristus.” (João 17:3) In dës swår tijd woo wij leewe, dai hofnung taum up ümer leewe helpt oos stark un fastblijwe. (Hebreus 6:19)

Dit sin bloos wek daile wat dij wijse daue woweegen is dat gaud tau dij God kene un aine starke ümgang mit em häwe. Wen’s duu dat måke däist duu kast feel andrer seegens krijge. Wilst duu mër dåroiwer waite? Den, fortel mit air Tüüge fon Jehovaa urer sai dai site jw.org.