Air dail wat oos helpe kan aine mësche beeter kenelëre is waite wat dai al beleewt hät. Neemlig soo, wen’s duu God beeter kenelëre wilst, duu must dai daile waite wat hai al måkt hät. Kan sin dat’s duu dat ni waite däist, åwer God hät al feel daile måkt taum oos hüüt helpe un dat wij frööligkët häwe koine in dai tijd foiruut.

Jehovaa God hät ales måkt. Wij koine sijn gaure moors klår saie doir dai daile wat hai måkt hät. (Romanos 1:20) Ine Bijbel stäit: “Hai is Dai wat dai Ër måkt hät mit sijn kraft. Dai wat dat land måkt hät mit sijn klaukhët. Un wat der himel upspant hät mit sijn forståen.” (Jeremias 10:12) Ales wat God måkt hät wijst sijn gaure moors. Wijst uk dat hai sich bekümre däit mit jërer ainsig fon oos.

Air dail wat dat wijst is dat Jehovaa oos måkt hät “soo as hai beschafe is”. (Gênesis 1:27) Dit bedüürt dat hai oos måkt hät dat wij em sijn gaure moors nåmåke koine un dat wij uk forståe koine wat richtig un forkërd is. Wen wij oos anstrenge taum God horge, ware wij frööliger. Un God hät oos uk måkt dat wij gaure ümgang mit em häwe küüne.

Wen wij dai Ër bekijke un ales wat God måkt hät, koine wij forståe wat hai forneeme däit oiwer oos. Dai apostel Paulo hät sägt God ‘hät ni låte tüüge geewe fon sich selwst, weegen hai hät gaurigkët weese doir oos reegen geewe fom himel un gaur ernt, hät oos sat måkt mit eeten un hät oos härts fröölig måkt’. (Atos 14:17) God hät oos feel mër geewt as wij bruuke taum leewen. Hai hät sër feel gaure daile måkt wat oos fruir geewe. Un dit wijst wat hai wil tau oos.

Jehovaa hät dai Ër måkt dat dai lüür dår up ümer leewe küüne. Ine Bijbel stäit: “Dai Ër hät hai der lüür geewt.” (Salmo 115:16) Hai hät dai Ër ‘ni  måkt taum går nischt, åwer hät dai måkt taum bewånen’. (Isaías 45:18) Åwer wat fon sort lüür däire up dai Ër leewe un wolang? Dai Bijbel däit dat antwoore: “Dai Ër wart der gerechte hööre un sai daue ümer up dai leewe.” (Salmo 37:29)

Dat dat passijre däir wat hai wul, Jehovaa hät Adam un Eva måkt un hät eer aine paradijs geewt, dat sai der bearbëre un uuppasse däire. (Gênesis 2:8 un 15) God hät eer bëd wat oiwergeewt: “Häwt kiner un wart feel, måkt dai Ër ful un bearbërt dai.” (Gênesis 1:28) Adam un Eva küüne up ümer leewe. Åwer sai häwe sich uutsöcht God ni horge. Dårweegen, küüne sai ni mër gerecht reekent ware taum up ümer leewe. Åwer wat Adam un Eva måkt häwe, hät ni Jehovaa sijne wile aners måkt. Wij daue nog oiwer dit fortele. Åwer airst, wiman’s anerd dail saie wat God for oos måkt hät.

Dai Bijbel wart uk nent soo’s God sij Woord. Woweegen hät God oos dai Bijbel geewt? Uphaupt weegen hai wil dat wij em kenelëre schåle. (Provérbios 2:1 bet 5) Dai Bijbel sägt ni ales wat wij waite wile oiwer God. Kair bauk küün dat måke. (Eclesiastes 3:11) Åwer ales wat ine Bijbel stäit, helpt oos God beeter kenelëre. Dår leese wij wosoo as God dai andrer behandle däit un wat fon sort lüür daue em gefale urer ni. (Salmo 15:1 bet 5) God sij Woord lërt oos in wosoo as wij God horge muite, oiwer wat richtig un forkërd is un oiwer wosoo oos gild fordaine. Ine Bijbel stäit wat Jësus sägt un måkt hät. Dårdoir koine wij saie wosoo as Jehovaa is. (João 14:9)

Jehovaa hät oos uk dai Bijbel geewt taum oos helpe fröölig sin un air gaur leewend häwe. Ine Bijbel, Jehovaa sägt oos wat wij måke muite taum ain fröölig familg häwe, taum im freere sin mit dat wat wij häwe un taum oos drëgt krijge mit dai daile wat oos kopbreeken måke. Soo as nog uutdüürt wart dai Bijbel däit wek frågen mit groote wërd antwoore, soo’s: Woweegen giwt dat sofeel nood? Wat däit passijre in dai tijd wat nog kümt? Dai Bijbel däit uk uutdüüre wat God al måkt hät dat dat wat hai uutdacht hät tau dai Ër un tau dai lüür wirklig passijre däit.

Wiman’s andrer daile saie wat wijse dat dai Bijbel gans aners is as irgends air anerd bauk. 40 kërls häwe dai Bijbel sreewe doir 1.600 jårelang. Lijkerst soo, stimt dai gans Bijbel t’hoop. Dit wijst dat dai Bijbel God sij Woord is. (2 Timóteo 3:16) Gans aners as dat wat passijrt is mit andrer früüsche buiker, nischt ine Bijbel is ümstelt woore. Feel früüsche stüke fone Bijbel daue dat wijse. Feel wule ni dat dai Bijbel nåsreewe ware däir un dat dai lüür eer hare taum leesen. Lijkerst soo, häwe wij dai Bijbel bet hüüt hen. Kair anerd bauk is öfter nåsreewe woore as dai Bijbel un biljone Bijbels sin al måkt woore. Dit wijst dat “God sij woord blijwt up ümer”. (Isaías 40:8)

God hät uk al måkt dat dat wat hai uutdacht har tau dai lüür passijre schal. Soo’s wij saie häwe, God wul dat dai lüür up ümer leewe küüne hijr upe Ër. Åwer as Adam God ni mër horgt hät un hät süün måkt, hai un ale dai wat fon em kåme däire, küüne ni mër up ümer leewe. Ine Bijbel stäit: “Doir bloos aine kërl dai süün in’t wild rinerkåme is, un dai dood doir dai süün, un soo dai dood hät ale angreepe, weegen ale hare süün måkt.” (Romanos 5:12) Dat Adam God ni horgt hät, küün soo uutsaie dat God sij wile ni mër passijre däir. Åwer wat hät Jehovaa måkt?

Dat wat Jehovaa dun måkt hät, hät sijn gaure moors weese. Jehovaa is gerecht wääst. Hai hät Adam un Eva dai schuld geewt oiwer dat wat sai måkt häwe. Jehovaa hät uk lijb weese, weegen hai hät wat måkt taum dai helpe wat nå Adam un Eva geboore ware däire. Un mit klaukhët hät hai wat måkt un hät sägt wosoo däir hai dai daile in’t raich bringe. (Gênesis 3:15) Doir Jësus, däir God dai lüür fraimåke  fone dood un fone süün. Wosoo däir hai dat måke?

Taum oos fraimåke fone dood un süün wat wij erbt häwe fon Adam, Jehovaa hät Jësus upe Ër schikt. Hijr upe Ër, hät Jësus oos inlërt wat wij måke muite taum up ümer leewe un hät sij leewend geewt “taum aine prais betåle in feele eer stel”. a (Mateus 20:28 un João 14:6) Jësus küün sij leewend in oos stel geewe weegen hai har kain süün, soo as Adam kain süün har im anfang. Åwer gans aners as Adam, Jësus hät God ümer horgt, bet sijn dood. Jësus har kain schuld, dårweegen hät Jehovaa em upleewt taum im himel leewe. Soo hät Jësus tau dai lüür wat geewt wat Adam ni geewt hät: dai hofnung taum up ümer leewe. Ine Bijbel stäit: “Soo dat bloos air ni horgt hät, feel sin süündig woore, soo uk, doir bloos air wat horgt hät, feel ware gerecht.” (Romanos 5:19) Doir der prais wat Jësus mit sijn dood betålt hät, God däit måke wat hai wil: hai däit leewend up ümer geewe tau dai lüür.

Wij koine feel lëre oiwer Jehovaa mit dat wat hai måkt hät as Adam em ni horgt hät. Wij häwe dårmit saie dat går nischt kan Jehovaa sijne wile forstööre. Dat wat hai sägt hät, däit ümer passijre. (Isaías 55:11) Wij daue uk dårmit lëre dat Jehovaa oos lijbe däit. Ine Bijbel stäit: “Doir dit hät sich weese God sij lijb tau oos: God hät sij ainsiggebooren Kind upt wild schikt dat wij doir em dat leewend krijge koine. Dat lijb bedüürt dit: ni dat wij God lijbt häwe, åwer hai hät oos lijbt un hät sij Kind schikt taum doodblijwe dat oos süün forgeewt wart.” (1 João 4:9 un 10)

God ‘hät nog ni måls sij aigen Kind tau sich selwst behule, åwer hät em for oos ale geewt’. Den, wij koine oos sicher sin dat God ‘oos geewe däit mit gaurigkët al dai andrer daile’ wat hai forspråke hät. (Romanos 8:32) Wat hät God forspråke tau oos? Dau dat leese in dat anerd stük.