‘Daut ni tauhööre tau dai wild’

“Dai wild däit eer hasse weegen sai daue ni tauhööre tau dai wild.” (JOÃO 17:14)

Wat daue dës wöör bedüüre? Jësus däir ni tauhoöre tau dëse wild. Hai däir sich ni mankmische mit dai politik in sijn tijd un däir sich uk ni mangsteeke mange dai lüür sijn problems taum dat ine raig bringe. Jësus hät uutdüürt: “Mij Regirung däit ni tauhööre tau dëse wild. Wen mij Regirung tauhööre däir tau dës wild, mijn dijners hare for mij kämft dat ik ni afgeewt wöör tau dai judeus. Åwer mij Regirung is ni fon hijr heer.” (João 18:36) Jësus hät sägt tau dai wat em någåe däire, dai dürwste ni soo sin as dai luür fone wild. (Mateus 20:25 bet 27)

Wosoo häwe dai airste wat Kristus någåe däire dårnå leewt? Jonathan Dymond, air wat srijwe däir oiwer dai kirche, hät sägt dat dai airste wat Kristus någåe däire, sai däire ni mithelpe ine krijg nog dat dai lüür slecht reere däire oiwer eer un lijkerst dat sai inspuunt urer doodmåkt ware däire. Sai däire laiwer slecht daile uuthule as ain kant bijståe. Soo as sai leewe däire dat wäir gans aners as dai andrer lüür. 1 Pedro 4:4 sägt soo oiwer eer: “Sai daue ni forståe woweegen dat jij ni bijblijwe daue måke dai neemlige forkërde daile un soigerig as sai, un dårweegen daue sai slecht reere oiwer juuch.” Dai uutgelërt Will Durant hät sreewe dat dai kristen wäire fornünftig un hare gloobe. Dit däir nog klår wijse wosoo as dai Romanos ni fornünftig wäire.

Wee däit dat hüüt måke? Air bauk fon dai Enciclopédia Católica sägt dat dai mëste lüür neeme dat ni an dat dai wat Kristus någåe däit, däit ni bijståe ain sijr fon dai politik. Ain jornal fon Düütschland wat sägt oiwer kirche, wat Reformierte Presse hit, hät sägt oiwer ain grup lüür wat dår hijner an wäire der lüür fone África sijn recht. Dës grup lüür hät sägt oiwer dai Jehovaas Tüügen: “Dai ganse religione häwe bijståe dat feel lüür doodmåkt woore sin in Ruanda in 1994. Dai ainsig religion wat sich dår ni mankmischt hät, sin dai Jehovaas Tüügen wääst”.

Oiwer dai tijd as feel lüür doodmåkt woore sin in Düütschland weegen dai Nazismo, air schaullërer däir maine dat al dai religione häwe dai slechte daile bijståe wat Hitler måkt hät. Åwer hai is hen wääst dår ine museu Memorial do Holocausto in Estados Unidos un nåheer hät hai soo sreewe: “Nuu häw ik ruuterfuune dat, dat ni soo wäir.” Hai hät ruuterkreege dat dai Jehovaas Tüügen häwe sich anhule an dat wat sai glööwe däire, nog dat sai slecht behanelt wäire.

Åwer, wat koine wij säge oiwer sich fornünftig hule? Air bauk fon Estados Unidos, wat U.S. Catholic hit, sägt soo: “Dai mëste lüür wat juugende sin, wat uk grood un katolisch sin, dai daue ni anneeme wat dai kirche säge daue oiwer t’hoopwåne åne frijgen un sex bedrijwe airer as sai forfrigt sin.” Dit bauk däit säge dat wat air wat mithelpt ine kirch sägt hät: “Ik sai dat dai mëste lüür, mër as 50%, daue al t’hoop wåne wen sai frijge daue. Dai Nova Enciclopédia Britânica sägt dat Jehovaas Tüügen daue sich sër fornünftig hule.