“Lijbt air der ande”

“Ik geew juuch air nijg geboot: Lijbt air der ande; soo as ik juuch lijbt häw, lijbt uk air der ande. Dårdoir ale ware waite dat jij mijn jüngers sin: wen jij lijb mank juuch häwe.” (JOÃO 13:34, 35)

Wat daue dës wöör bedüüre? Kristus hät sägt tau dai wat em någåe däire sai müste lijbe dai ande soo as hai eer lijbe däir. Jësus däir lijbe al sort lüür, fon irgends ain stel, küüne fruuges un kërls sin. Weegen dat groot lijb wat hai har, hai hät besijdlåte dai daile wat hai wul taum dai lüür helpe. (João 4:7 bet 10) Dat lijb wat Jësus har is soo groot wääst dat hai sij leewend afgeewt hät taum dai andrer helpe. (Marcos 6:30 bet 34) Jësus hät sägt: “Ik bün dai gaur schåpuppasser; dai gaur schåpuppasser giwt sij leewend for dai schåpe.” (João 10:11)

Wosoo häwe dai airste wat Kristus någåe däire dårnå leewt? As dai airst gemaind upkåme is, dai wat Kristus nåmåke däire, däire dai andrer nene as sijn “bruirers” un “swesters”. (Filêmon 1, 2) Dai lüür fon irgends ain stel urer gëgend däire sich gaud forneeme in dai gemainde weegen dai kristen däire soo glööwe dat ‘kair uunerschëd tüschen judeu un grego’ wäir weegen ‘dai neemlig Her is oiwer ale’. (Romanos 10:11, 12) In der Pingste fon dat jår 33 nå Kristus sijn tijd, dai bruirers un swesters fon dai gemaind in Jerusalém häwe forköft sij land un dai daile wat sai hare un häwe dat indailt tau dai wat dat bruuke däire. Sai häwe dat måkt taum helpe dai wat sich frisch tauwe låte hare taum in Jerusalém blijwe un taum mër lëre fon dai apostels. (Atos 2:41 bet 45) Woweegen häwe sai dat måkt? Wënig as 200 jåre nå dat dai apostels doodbleewe sin, Tertuliano air wat srijwe däir oiwer dai kristen hät soo sägt: “Sai daue sich soo dul lijbe . . . un daue sogår doodblijwe air for dai ande.”

Wee däit dat hüüt måke? In dat jår 1837, dat bauk up englisch A História do Declínio e Queda do Império Romano, hät weese dat doir feel jåre trööguut dai wat säge däire sai günge Kristus nå häwe feel slechtigkët måkt mit sijn bruirers un swesters im gloobe, åwer andrer wat ni kristen wäire häwe ni sofeel slechtigkët måkt. Pår jåre trööguut in Estados Unidos, häwe’s upsöcht dat feel wat säge sai daue Kristus någåe, daue dai lüür fone andrer rass forachte. Dårweegen helpe sai ni dai bruirers un swesters fone andrer gëgende wen sai bruuke daue.

In 2004, doir twai månats sin fair krüüselwind passijrt in Flórida. Air wat oiwer sich har taum oiwersaie wen unweerer passijre däir in Flórida, hai wul sicherhët häwe dat dai daile wat dår geewt wäire gaud benutst wäire. Hai hät sägt dai Jehovaas Tüügen sin dai best wääst wat dat benutst häwe wat dår geewt woore is. In 1997, in República Democrática do Congo feel Jehovaas Tüügen sin henrëst taum melissijn, eeten un tüüg geewe tau dai bruirers un swesters un tau dai andrer wat bruuke däire. Un uk dat wat Jehovaas Tüügen fon Europa geewt häwe, dat hät 1 miljon dollars kost.