WAT UPM DEKEL WIJST | WOSOO KAN DIJ DAT GEFALE DAI BIJBEL LEESE?
Wosoo kan dij leesen fone Bijbel lustiger ware?
Kümt sër up dij ane of däir leesen fone Bijbel dij lustig geewe däit urer ni. Wiman’s saie wat’s duu måke kast dat dij leesen fone Bijbel dij lustiger wart.
Dau dij ain Bijbel uutsuike wat genau nåsreewe is, wat licht is taum forståe. Bijnå kain däit gërn leese ain sriwt mit wöör wat al üler sin un ni licht taum forståe sin. Den, wen’s duu dai Bijbel leese däist, dau ain Bijbel uutsuike mit licht wöör un wat dijn härts anstööte däit. Åwer dau uppasse taum ain Bijbel uutsuike wat genau nåsreewe is un woo’s duu an glööwe kast. *
Dau dai tecnologia benutse. Hüütsendåg kast duu dai Bijbel häwe in papijr, in computador, tablet urer celular. Duu kast dai Bijbel in dai internet leese urer download måke. Wek fon dës Bijbel wat’s duu download måke kast, häwe daile taum gaud uutsuiken måke. Ain fon dës daile erlaubt dat’s duu sprüüch leese kast wat sich t’hoop passe. Anerd, däit t’hoop passe wosoo dai neemlig spruch nåsreewe woore is in feel andrer Bijbels. Wen’s duu ni gërn leese däist, den is uk dai Bijbel taum hööre. Feel lüür daue gërn dat leesen fone Bijbel hööre wen sai rëse daue urer huus arbëd måke. Wat mainst duu måke ain fon dës daile wat dij best passt?
Dau upsuiken måke. Dat giwt feel hülps taum den wat gërn feel lëre wil fon dat leesen fone Bijbel. Soo as, duu kast saie woo dai daile passijrt sin soo as stäit ine Bijbel doir mapas. Soo, kast duu beleewe wat’s duu leese däist. Anerd daile wat dij helpt sin daile soo as dit dün bauk urer in dat stük “Inlëren fone Bijbel” in jw.org.
Dau dai Bijbel up feel årt leese. Wat dat lërt an wen’s duu andenke däist an dai Bijbel gans doir leese? Duu bruukst ni anfänge an leese in dat bauk fon Gênesis. Duu kast uutsuike ain stük fon dai Bijbel wat duu nijglig låte däit. Soo as, wat mainst duu leese oiwer bekand lüür woo dai Bijbel oiwer fortelt? Dau gaure hülps saie wat dij helpe koine in dës tåfel “ Dau kenelëre bekand lüür sijn leewend woo dai Bijbel oiwer fortelt”. Duu kast uutsuike oiwer air daile leese woo dai Bijbel oiwer fortelt urer duu kast leese in dai ordnung soo as dai daile passijrt sin. Wat mainst duu ain fon dës daile uutsuike taum dai Bijbel leese wat dij best passt?
^ paragraaf 4 Feel maine dat dai Hailig Sriwt Nåsrijwen fon Nijg Wild genau is, licht taum forståe un taum sich up forlåten. Dës Bijbel is nåsreewe fon Jehovaas Tüügen. Gans urer stükewijs in mër 130 språke. Duu kast dai download måke in JW Library urer in jw.org. Urer wen’s duu laiwe wist, Jehovaas Tüügen koine dij ain Bijbel bringe.