In dës letste dåg wij sete soo feel swår daile doir, dat öftens däit soo låte wij krijge dat ni uuthule. Åwer, wen wij bijblijwe oos ümgang mit Jehovaa stärke, hai kan oos helpe sogår dai slimste daile oiwerståe. (Isa 43:2 un 4) Wosoo koine wij oos ümgang mit Jehovaa stärke wen wij swår daile doirsete?

Gebeed. Wen wij uutm härts beere tau Jehovaa, hai giwt oos freere un kraft taum foirwärtsgåen. (Fil 4:6, 7 un 1 Tes 5:17)

Forsamlung. Ine forsamlung wij sin t’hoop mit oos bruirers un swesters un wij daue oiwer Jehovaa lëre, un wij bruuke dat soo as nij as ais wääst is. (Heb 10:24 un 25) Wen wij oos gaud trechtmåke taum dai forsamlung, gåe dår hen un daue oos mile, wij daue nog düler dai hülp fon Jehovaa forneeme wat hai oos giwt doir sijn hailig gaist. (Apo 2:29)

Preege un inlëre. Wen wij oos best måke taum preege un inlëre, is lichter oos ankëre an dai gaure daile. Preege un inlëre helpt oos uk dat oos ümgang mit Jehovaa un mit dai bruirers un swesters stärke wart. (1 Cor 3:5 bet 10)

KIJK DER VIDEO “JEHOVAA WART DIJ GAUD UPNEEME”. NÅHEER, DAU ANTWOORE:

• As Malu swårhëte doirset hät, wat hät eer hulpe näig an Jehovaa blijwe?

  Dijn antwoord

• Soo as mit Malu passijrt is, wosoo kan Salmo 34:18 oos trööste wen wij swårhëte doirsete?

  Dijn antwoord

• Wosoo dat wat passijrt is mit Malu wist dat Jehovaa giwt oos groot kraft wen wij swårhëte doirsete? (2 Cor 4:7)

  Dijn antwoord