Woweegen daue oos kongressen oos soo dul gefale? Feel israeliten t’hoop, däire Jehovaa anbeere in dai feste wat sai måke däire, hüüt koine wij uk Jehovaa anbeere t’hoop mit feel bruirers un swesters in oos kongressen. Dai daile wat wij krijge daue taum oos gloobe stärke daue oos sër gefale un is sër gaud dår t’hoop sin mit oos familg un dai lüür wat wij lijbe daue. Taum wijse dat wij wërd geewe daue up dës geschenk wat fon Jehovaa kümt, daue wij oos anstrenge taum dår sin in al dåg woo dai kongress måkt wart.

Wen wij t’hoop mit oos bruirers un swesters sin, schåle wij wijse dat wij eer lijbe daue un ni bloos an oos selwst denke. (Gál 6:10, Heb 10:24, 25) Wen wij soo’n daile måke as dai doir upmåke taum dai anerd mësch doir gåe urer wen wij ni mër stele uutsuike daue as wij bruuke, wij daue oos airste mit dai andrer bekümre un ni mit oos selwst. (Fil 2:3, 4) Wen wij in oos kongress sin, koine wij andrer lüür kene. Airer dat dai kongress anfängt, mirdag un nå dat dat al is, streng dij an taum mit air mësch fortele wat’s duu ni kene däist. (2 Cor 6:13) Dai ümgang wat wij dår anfänge daue koine up ümer sin! Un uk, wen dai lüür wat ni Jehovaa dijne daue saie daue dat wår lijb wat mank oos is, kan sin dat sai mër oiwer Jehovaa lëre wile. (João 13:35)

DAU DAI VIDEO WIJSE “KONGRESSEN IN ANDRER GËGENDE ‘DAT LIJB WART NIJ AIS AL’”. NÅHEER, DAU ANTWOORE:

• Wosoo häwe dai bruirers weese dat sai lijbe däire dai andrer wat fon andrer gëgend kåme sin taum dai kongressen in 2019?

• Woweegen is soo bewuunrig dai ainigkët un lijb wat Jehovaa sij folk wijst?

• Wat häwe wek bruirers wat Jehovaa sij folk lenkt, sägt oiwer dat wår lijb wat dai kristen wijse daue?

• Wosoo hät dat lijb oos bruirers un swesters in Düütschland un Coreia do Sul ainige måkt?

• Wat schal man måke?