Wij daue in ain wild leewe wat inlëre däit dat dat wat slecht is gaud is, un dat wat gaud is slecht is. (Isa 5:20) Wek lüür daue daile måke wat Jehovaa hasst un dit is traurig. Wek kërls daue forkërde daile mit kërls måke un wek fruuges daue forkërde daile mit fruuges måke. Kan sin dat dai wat mit dijn kind lëre daue urer andrer lüür, dijn kind taurere daue dai selwige daile måke wat sai måke daue. Wat kast duu måke taum dijn kind helpe sich drëge forståe wen air mësch em taurere wil?

Help dijn kiner mit waite wat richtig is un wat forkërd is tau Jehovaa. Dit däit eer behüüte. (Lev 18:3) Dau dijn kiner uutdüüre wat dai Bijbel oiwer seks fortele däit, denk an woo uld as sai sin un dau daile fortele wat sai al forståe koine. (Deut 6:7) Daut juuch kiner inlëre woweegen nöörg is dat sai fornünftig tüüg antreke daue. Daut juuch kiner inlëre wat richtig un forkërd is an dai moor taum lijb wijse. Daut juuch kiner inlëre dat andrer lüür ni an wek stele an eer körper anstööte koine. Daut juuch kiner helpe waite wat sai måke muite wen air mësch wil dat sai huurerig bekijke daue urer wen air mësch eer taurere däit taum huurerig måke. Wen’s duu mit eer set klain up oiwer dës daile fortele däist, daue sai ni soo feel problëms häwe. (Pro 27:12 un Ecl 7:12) Wen’s duu dijn kiner inlëre däist, duu däist wijse dat’s duu wërd geewe däist oiwer dës geschenk wat fon God kümt. (Sal 127:3)

KIJK DAI VIDEO “DAU AIN FAST HUUS BUUGE - DAU JUUCH KINER BEHÜÜTE ‘FON DAT WAT SLECHT IS’”. NÅHEER, DAU ANTWOORE:

• Woweegen daue wek papa un mama slim maine oiwer seks mit eer kiner fortele?

• Woweegen is nöörg dat dai papa un mama eer kiner ‘nå Jehovaa sij formånen un inlëren’ belëre daue? (Efé 6:4)

• Wat fon buiker un videos wat Jehovaa sijn gemaind måkt hät, koine dai papa un mama benutse taum eer kiner oiwer seks inlëre? (Sentinela 05/19 sijr 12, tåfel)

• Woweegen is soo nöörg mit dai kiner fortele airer dat ain groot eelend passijre däit?