Hät groote wërd oiwer ales mit juuch papa un mama fortele. Woweegen? (Pro 23:26) Weegen Jehovaa hät eer oiwergeewt juuch uppasse in ales. (Sal 127:3 un 4) Åwer, is ni licht tau dai papa un mama juuch helpe wen jij ni tau eer fortele daue oiwer juuch problems un wat jij forneeme. Kan sin dat juuch papa un mama dai neemlig problems al doirset häwe, un duu kast feel lëre fon dat wat sai al beleewt häwe. Is dat forkërd wek daile bloos tau dij behule? Në, åwer dau uppasse taum nischt forsteeke fon dijn papa un mama wat sai recht häwe taum waiten. (Pro 3:32)

Wosoo kast duu mit dijn papa un mama fortele? Dau dij ain tijd wat sich gaud passt tau dij un uk tau eer ruuterneeme taum mit eer fortelen. Wen ni licht is tau dij mit eer fortele, duu kast aine braif tau eer srijwe un säge wat’s duu forneeme däist. Un wen sai oiwer air dail fortele wile wat dij åne schik löt? Dau andenke dat dijn papa un mama wile ümer dat best tau dij un sai daue dij lijbe! Wen’s duu dij anstrenge däist taum oiwer ales mit eer fortele, dat däit dij nuu helpe un doir dij gans leewend lang. (Pro 4:10 bet 12)

KIJK DAI VIDEO “JUUGEND LEEWEND - WOSOO MIT MIJN PAPA UN MAMA FORTELE?”. NÅHEER, DAU ANTWOORE:

• Esther un Partik häwe saie dat sai wat ümstele müste. An wat?

• Wat kast duu fon Jësus lëre?

• Wosoo häwe dijn papa un mama dij al uppasst?

• Wat fon sprüüch häst duu ine video saie wat dij helpe koine mit dijn papa un mama fortele?