Wij daue oos kraft beeter benutse wen wij ine gedanke häwe wat wij tau Jehovaa måke wile. (1 Cor 9:26) Un dit helpt oos uk, oos tijd mit klaukhët forbruuke airer as dat ën fon dës wild kåme däit. (Efé 5:15 un 16) Wat maine jij, in juuch bijbelstuun ine familg t’hoop fortele oiwer dat wat jij måke koine fon 1 september 2022 bet 31 august 2023? In dës bläärer ståe wek artikels in taum juuch helpe saie wek daile wat jij tau Jehovaa måke koine. Daut dåroiwer beere. (Tia 1:5)

Denk hijr an, wen jij juuch inenaner helpe, kan air in juuch familg pionijr sin? Wen’s duu dij ni sicher büst of’s duu al dai stuune måkt krijgst wat nöörg sin, dau mit wek pionijrs fortele wat soo wat beleewe as duu. (Pro 15:22) Taum fråge wat’s duu waite wilst, duu kast uk air pionijr taum dijn bijbelstuun ine familg nööge. Dau dij uutdenke wosoo dijn tijd benutse taum pionijr sin un dau dat upsrijwe. Wen’s duu al pionijr wääst büst, dau dat nåsaie of’s duu werer pionijr sin kast.

Kast duu urer air in dijn familg hülpspionijr sin doir air urer mër månate lang? Wen’s duu ni solang preege kast, den kast duu jërer dag air bits preege. Wen’s duu dai gans wek oiwer arbëre must urer nane schaul gäist, un ni sofeel tijd häst, den kast duu air månat uutsuike wat fijrdag hät urer air mit 5 uutgangsweek. Dau up aine kålener srijwe dai månate wat jij ine familg uutsöcht häwe taum hülpspionijr sin un daut juuch dårtau inrichte. (Pro 21:5)

KIJK DER VIDEO “WÄST KORÅSCHLIG . . . PIONIJRS”. NÅHEER, DAU ANTWOORE:

• Wosoo hät Emma sijn geschicht weese dat Jehovaa lijbt un dai uppasst wat sich anstrenge taum pionijr sin?