Wij häwe fair videos oiwer dai Bijbel lëre wat wij benutse koine upm preegarbëd. Wotau is jërer ainsig fon dai?

• Woweegen loont sich dat dai Bijbel lëre? Gans video: Is måkt woore tau ale lüür, hät nischt sägen woan daue sai glööwe. Dai video däit eer nijglig låte oiwer dai Bijbel. Dai video wijst woweegen mut dai mësch dai antwooren ine Bijbel suike tau dai frågen wat wij mëst waite wile. Un ain fon dës frågen wart antwoort ine video. Dai video lërt dai lüür in wosoo ain kurs fone Bijbel forlange.

• Woweegen loont sich dat, dai Bijbel lëre? (Stük): Is soo as dai airst video, åwer hät bloos ain minuut. Dës kan beeter sin taum benutsen woo dai lüür wënig tijd häwe taum der saie.

• Wosoo ware dai bijbelstuune hule?: Is måkt woore taum dai lüür nijglig låte oiwer oos kurs fone Bijbel ümsüss. Dai däit uk wek frågen antwoore wat dai lüür waite wile, soo as: ‘Woo kast duu ain kurs fone Bijbel forlange?’

• Woo gaud dat’s duu dai kurs fone Bijbel anfänge däist!: Is måkt woore tau dai lüür wat dai Bijbel al lëre. Dai video is in dai sijr 2 fon dat bauk “Leew up ümer lustig!”, åwer duu kast dai uk benutse wen’s duu ain kurs fone Bijbel hule däist mit dat dün bauk “Leew up ümer lustig!”. Dai video wijst wat stäit in dat bauk wat dai mësch lëre däit un wosoo der kurs måkt wart.

Duu kast dës videos soo benutse, åwer kast uk jërer video wijse urer henschike tau air mësch wen’s duu mainst dat dat gaud is. Streng dij an taum waite woo oiwer jërer video fortelt un benuts dai ine preegarbëd ümer wen hengiwt.