Dat dës wild ümer näiger taum ën kümt, wij koine luure dat ümer mër strijrerig un krijg aine stel nåm andrer passijrt. (Apo 6:4) Wosoo koine wij oos inrichte tau dës swårhëte?

• Dau dijne gloobe stärke: Dau dai wårhëte un geschichte fone Bijbel lëre wat dij up forlåten up Jehovaa un sijn gemaind stärke un helpt dij tröögblijwe fon dai daile fon dës wild. (Pro 12:5, “Jeremias” sijrer 125 un 126 par 23 un 24) Dau nuu uk gaud benutse dai tijd taum dijne ümgang stärke mit dai bruirers un swesters ine gemaind. (1 Ped 4:7 un 8)

• Dau dij inrichte mit eetsachen un andrer daile: Dau dij uutdenke wat’s duu måke kast wen’s duu ni uutm huus ruutergåe kast. Dau naug eeten t’huus upwåre. Un nog, dau dij uutdenke woo’s duu hengåe kast. Dau nåkijke wat’s duu al in dijne tasch häst, måk dår gild riner, un daile wat dij behüüte koine, soo as luvas un máscaras. Wait wosoo tau dai ülsters ine gemaind henlijgre un dat sai dijn numer uk waite. (Isa 32:2, Wåkt Up! numer 5 2017 sijrer 3 bet 7)

Ine krijg dau bijblijwe preege un sich forsamle. (Fil 1:10) Blijw ine huus un dau ruutergåe bloos wen dat nöörg is. (Mat 10:16) Un nog, dau dij eeten indaile mit dai andrer. (Rom 12:13)

KIJK DAI VIDEO “WAT MUITE WIJ MÅKE TAUM TRECHT SIN WEN AIN UNWEERER PASSIJRE DÄIT?”. NÅHEER, DAU ANTWOORE:

• Wosoo kan Jehovaa oos helpe wen air unweerer passijre däit?

• Wosoo koine wij oos inrichte taum trecht sin wen air unweerer passijre däit?

• Wosoo koine wij dai bruirers un swesters helpe wat air unweerer doirset häwe?