WOWEEGEN MUITE WIJ DAT MÅKE? Doir dai telefon preege, helpt oos ‘dai gaure nijges genau preege’. (Atos 20:24) * Doir dai telefon, koine wij tau dai lüür preege, lijkerst wen wij dai ni besuike koine.

DUU KAST SOO MÅKE:

• Dau dij gaud uiwe. Dau uutsuike woo oiwer wist duu fortele, dau dåroiwer grüüwle un srijw up dai haupte daile wat’s duu fortele wist. Öftens, kast duu ain klain beschaid låte wen dai mësch ni t’huus is. Dës beschaid mut klain sin un uutdüüre woweegen häst duu lijgret. Dat doir dai telefon preege ainfach wart, is gaud ane disch ranersete, mit dat wat’s duu upsreewe häst un andrer daile wat’s duu bruuke däist. Låt dai JW Library^® urer dai site jw.org^® al up in dijn tablet urer celular.

• Dau ruig blijwe. Fortel soo as duu gewoont büst, dau dij beweege un grijne soo as wen’s duu foir dai mësch wäirst. Låt ni dai mësch luure, blijw stil bloos taum höören. Mit andrer preege däit dij helpe ruig blijwe. Wen dai mësch dij wat fråge däit, dau dit werer säge mit ain luur stim. Soo, dai wat mit dij preege däit, kan dij helpe dai antwoord fijne.

• Måk ain fråg tau anerd mål. Wen dai mësch mër waite wil, kast duu ain fråg måke tau anerd mål. Duu kast uk oiwer ain fon oos buiker fortele un sich anbaire taum dai schike doir ain e-mail, doir dai correio, urer sogår taum in eene huus låte. Duu kast uk der mësch fråge wen’s duu ain beschaid urer e-mail schike kast mit ain video urer anerd dail, un wen dat dai mësch gefale däit, kast säge dat dai, dai Bijbel lëre kan doir dai internet in jw.org, urer duu kast aners wat dår in wijse.