Bald, däit Jehovaa kain geduld mër wijse tau dës wild. Dai falsche religione ware uutrot. Nåheer, feel gëgende ware t’hoop gëgen Jehovaa sij folk blijwe. Den, Jehovaa däit dai slechte lüür uutrote im Armagedom. Dai kristen daue dai tijd sër luure woo dës daile passijre daue.

Gewiss, wij waite ni ales wat passijre däit in dai groot nood oiwer. Soo as, wij waite ni wonair dai groot nood anfänge däit. Wij waite ni wat dai regirungs säge daue taum gëgen dai religione blijwe un dai schåre. Wij waite ni wolang tijd dai gëgende blijwe daue gëgen God sij folk un wosoo sai dit måke daue. Wij waite uk ni wosoo as Jehovaa dai slechte lüür im Armagedom uutrote däit.

Åwer doir dai Bijbel, wij häwe ales wat wij bruuke taum dai tijd wat nog kümt luure mit koråsch un starke gloobe. Soo as, wij waite dat wij leewe ine lätste fon dai “lätste dåg”. (2 Tim 3:1) Wij waite dat dai regirungs ware gëgen dai falsche religione blijwe un daue dai uutrote doir ain kord tijd, dat dai wår religion ni uutrot wart. (Mat 24:22) Wij waite dat Jehovaa däit sij folk rere. (2 Ped 2:9) Un wij waite uk dat Jehovaa hät aine uutsöcht wat gerecht is un hät feel kraft taum dai slechte uutrote un dai groot grup folk rere im Armagedom. (Apo 19:11, 15 un 16)

Dai lüür ware groot angst forneeme weegen dai daile wat nog passijre daue. Åwer wij daue ni dat forneeme. Weegen wij waite wat Jehovaa al måkt hät ine früüsche tijd dat dai wat rëal wäire rert ware däire. Wen wij leese un dåroiwer grüüwle, dat giwt oos koråsch un helpt oos starke gloobe häwe dat bald wij rert ware. (Luc 21:26 un 28)