Wosoo kast duu dai Bijbel forståe?
Dai antwoord fone Bijbel
Ine aigen Bijbel stäit wat man bruukt taum dai forståen, hät nischt sägen of’s duu feel lërt häst urer ni. God sij Woord, dai Bijbel, ‘is ni tau swår tau dij un is ni wijdaf fon dij’. (Deuteronômio 30:11)
Wat must duu måke?
Dau richtig denke oiwer God sij Woord. Neem dai Bijbel soo an as God sij Woord. Wäs gewöönlig, weegen God is gëgen dai groosartige. (1 Tessalonicenses 2:13 un Tiago 4:6) Åwer dau ni glööwe an dat wat’s duu hööre urer saie däist, airer as uunersuike taum saien of dat wår is. God wil duu schast dijn gedanke benutse taum gaud denke. (Romanos 12:1 un 2)
Beer un forlang klaukhët. Ine Bijbel stäit: “Forlåt dij ni up dij aigen klaukhët.” (Provérbios 3:5, Bíblia na Linguagem de Hoje, up briånisch) Soo, dau bijblijwe klaukhët tau God forlange taum dai Bijbel forståe. (Tiago 1:5)
Dau dai Bijbel ümer studijre. Dau ni bloos hen un wen dai Bijbel studijre. Dau dat ümer måke. Dat wart gaud tau dij sin. (Josué 1:8)
Suik air dail uut taum studijre. Wen’s duu uutsuike däist air dail taum saien wat dai Bijbel dåroiwer inlërt, dat wart gaud tau dij sin. Airst, dau dai ainfach daile lëre. Nåheer duu kast dai daile lëre wat ni licht sin taum forståen. (Hebreus 6:1 un 2) Dau dai sprüüch fone Bijbel t’hooppasse. Wen’s duu dat måke däist, duu däist saie dat air stük fone Bijbel däit anerd uutdüüre, lijkerst dai sprüüch wat ni licht sin taum forståen. (2 Pedro 3:16)
Dau hülp forlange. Ine Bijbel stäit wij schåle der andrer sijn hülp anneeme wat dai Bijbel forståe. (Atos 8:30 un 31) Jehovaas Tüügen daue ain kurs fone Bijbel ümsüss anbaire. Soo as dai airste kristen, sai benutse bijbelsprüüch taum andrer helpe forståe wat dai Bijbel wirklig inlëre däit. (Atos 17:2 un 3)
Wat bruukst duu ni?
Feel ine schaul lëre. Jësus sijn 12 apostels däire dai Bijbel gaud forståe un däire dai andrer inlëre. Åwer tau feel, sai wäire bloos ainfach lüür, wat ni feel lërt hare ine schaul. (Atos 4:13)
Gild. Duu bruukst nischt betåle taum oiwer dai Bijbel lëre. Jësus hät tau sijn jüngers sägt: “Ümsüss häwe jij kreege, ümsüss muite jij geewe.” (Mateus 10:8)
Kan sin dat dit dij uk gefale däit
WEE SIN WIJ
Woweegen loont sich dat dai Bijbel lëre?
Ine ganse wild miljone lüür fijne ine Bijbel antwooren tau dai frågen wat sai mëst waite wile. Wilst duu gërn air fon eer sin?
ESSENTIAL BIBLE TEACHINGS
Wosoo Koine Wij Oos Sicher Sin dat dai Bijbel fon God Kümt?
Wen dai Bijbel fon God kümt, sai mut aners sin as irgends air anert bauk wat al sreewe woore is.
