Ine Bijbel Jësus wart feel måls “God sij Kind” nent. (João 1:49) Dës wöör “God sij Kind” daue wijse dat God is dai wat ales måkt hät, dai kwel fom al leewend, sogår Jësus sij leewend. (Salmos 36:9 un Apocalipse 4:11) Dai Bijbel däit ni inlëre dat God neemlig soo air kind måkt hät, as dai lüür air kind måke.

 Dai Bijbel sägt uk dat dai ängels dem wår God sijn kiner sin. (Jó 1:6) Un nog, dai Bijbel sägt dat Adam, dai airst kërl, God sij kind wäir. (Lucas 3:38) Åwer dat Jësus, dat airst wääst is wat God måkt hät, un dai ainsig wat God alaine måkt hät, dårweegen sägt dai Bijbel dat Jësus, dat hauptsach Kind fon God is.

•  Hät Jësus im himel leewt airer as hai upt Ër kåme is?

•  Wat däir Jësus måke airer as hai upt Ër kåme is?

 Jå. Jësus däir im himel leewe soo as air ängel, airer as hai upe Ër geboore is soo as air mësch. Dai aigen Jësus hät sägt: “Ik bün fom himel ruunerkåme.” (João 6:38 un 8:23)

 God hät Jësus måkt airer as irgends air anerd dail. Sai wat dai Bijbel sägt oiwer Jësus:

•   “Hai is . . . dai Airstgebooren fon ales wat måkt woore is.” (Colossenses 1:15)

•   Hai is “dai anfang fon ales wat God måkt hät.” (Apocalipse 3:14)

 Mit Jësus is dës profesijr passijrt wat sägt: “Wat al geewe däir fon dai früüsche tijd an, fon lang tijd tröög uut.” (Miqueias 5:2 un Mateus 2:4 bet 6)

 Hai har wat groote’s oiwersich im himel. In air gebeed Jësus hät sägt wat hai måke däir airer as hai upt Ër kåme is: “Fåter, dau mij herligkët geewe. . . mit dai herligkët wat ik t’hoop mit dij hat häw airer as dai wild wäir.” (João 17:5)

 Hai hät sijn Fåter hulpe al dai andrer daile måke. Jësus däir an God sijne kant arbëre soo as “air buugmëster.” (Provérbios 8:30) Dai Bijbel sägt oiwer Jësus: “Weegen doir em sin al dai andrer daile im himel un upe ër måkt woore.” (Colossenses 1:16)

 Doir Jësus, Jehovaa hät al dai daile måkt wat geewe daue, dår sin bij dai ängels un ales uunerm himel. (Apocalipse 5:11) In wek daile, koine wij God un Jësus t’hoopmaine mit aim wat air huus afmåle däit un dai anerd wat dat buugt, un soo, God un Jësus daue t’hoop arbëre.

 Hai is dat Woord wääst. Wen dai Bijbel sägt oiwer Jësus sij leewend airer as hai upt Ër kåme is, dai Bijbel nent em soo’s dat Woord. (João 1:1) Dat wil säge, dat Jësus beschaid un inlëren geewe däir tau dai andrer ängels.

 Däit soo låte, as wen Jehovaa doir Jësus, dat Woord, beschaid geewt hät tau dai lüür hijr upe Ër. As God tau Adam un Eva belërunge geewe däir in dem Eden gåre, kan sin dat hai dat måkt hät doir Jësus. (Gênesis 2:16 un 17) Jësus kan uk dai ängel wääst sin, wat God sij folk lenket hät in den sandland un kan sin wäir em sijn stim wat dai israeliten horge müste. (Êxodo 23:20 bet 23) a