Jehovaas Tüügen daue kair geburtsdagfest måke weegen sai glööwe dat dat tau God forkërd is. Ine Bijbel stäit kair geboot wat säge däit dat geburtsdag fijre forkërd is. Åwer dai Bijbel helpt oos andenke oiwer dat wat dår is up dat fest un helpt oos forståe wat God dåroiwer denke däit. Wiman’s oiwer 4 daile fortele wat dår is up dat geburtsdagfest un wat dai Bijbel dåroiwer säge däit.

1.   Dat geburtsdag fijren is ni upkåme fon lüür wat God horge däire. In dat bauk ‘Dicionário Padrão de Folclore - Mitologia e Lendas fon Funk un Wagnalls’ up Englisch stäit dat der geburtsdag fijre upkåme is dat dai lüür anglööwe däire “an der dag wen air geboore ware däir dai slechte gaiste der mësch schåre küüne”. In dat bauk stäit uk “wen dår gaur lüür sin up der geburtsdag un säge tau der mësch ‘blijw fröölig’ dat däit der mësche fon dai slechte gaiste behüüte”. In dat bauk ‘A Tradição dos Aniversários Natalícios’ up Englisch stäit dat in dai früüsch tijd däire dai lüür der dag fon der geburtsdag ansrijwe. Sai däire maine “dat wäir gaud weegen den küüne sai der horóscopo måke” fon der mësch doir ‘dai daile wat besägen häwe mit dai stërne, wat astrologia is’. Dat bauk däir uk säge “dai lichte wat brene up dem kuchen fon geburtsdagfest küüne dai lüür helpe måke wat sai wule doir hexerig”.

    Åwer dai Bijbel däit forbaire hexerig un “ales wat dårmit taum dauen hät”. (Deuteronômio 18:14 un Gálatas 5:19 bet 21) God hät sägt dat Babilônia stad schuld har oiwer dai forkërde daile. Wat fon forkërde daile? Dai lüür wat in Babilônia wåne däire maike astrologia wat taum besägen hät mit hexerig. (Isaías 47:11 bet 15) Jehovaas Tüügen daue ni suike woan jërer dail upkåme is. Åwer wen sai ine Bijbel saie wat dår klår ståe däit soo’s oiwer hexerig sai daue horge wat dai Bijbel säge däit.

2.   Dai airste kristen däire der geburtsdag ni fijre. In dat bauk “Enciclopédia Delta Universal” up briånisch stäit “dai kristen däire maine dat air geburtsdagfest God ni gefale däit”. Dai Bijbel däit klår låte dat al kristen dai apostels någåe müste un uk dai andrer wat Jësus inlërt hät. (2 Tessalonicenses 3:6)

3.   Ine Bijbel stäit dai ainsig dag woo dai kristen andenke schåle is ni dai dag wen air geboore wart åwer der dag as Jësus doodbleewe is. (Lucas 22:17 bet 20) Dit müst oos ni bewunre weegen dai Bijbel sägt “der dag fon der dood is beeter as der geboorensdag.” (Eclesiastes 7:1) Solang as hai leewt hät hijr upe ër Jësus hät aine gaure nåme måkt foir God. Dårweegen der dag as hai doodbleewe is, is beeter wääst as hai geboore woore is. (Hebreus 1:4)

4.   Dai Bijbel sägt ni dat air wat God anbeere däir geburtsdag fijrt hät. Åwer is ni dat God hijr nischt oiwer säge wul weegen ine Bijbel stäit oiwer twai geburtsdagfeste fon lüür wat God ni anbeere däire. Åwer wijst oos bloos slechte daile oiwer dës twai geburtsdagfeste. (Gênesis 40:20 bet 22 un Marcos 6:21 bet 29)

 Soo as jërer gaur papa un mama dai Jehovaas Tüügen wijse dat sai sijn kiner lijbe ni bloos ais upt jår åwer dat gans jår oiwer. Sai daue uk gërn geschenke geewe tau sijn kiner un fest måke. Dës papa un mama daue God nåmåke wat uk gërn gaure daile geewe tau sijn kiner. (Mateus 7:11) Soo Jehovaas Tüügen sijn kiner blijwe ni traurig dårweegen. Daue saie wat wek sägt häwe:

•   “Is beeter geschenk krijge wen wij dår ni up luure.” - Tammy, 12 jår.

•   “Ik krijg kair geschenk up mijn geburtsdag, åwer mij papa un mama geewe mij geschenke ine andrer dågs. Mij fröög dat weegen ik däir dår ni up luure.” - Gregory, 11 jår.

•   “Denkst duu dat in 10 minuute, air kuchen un ain singen air fest is? Duu müst as na mij huus hengåe un sai wat air fest is!” - Eric, 6 jår.