Dai kurs fone Bijbel wat Jehovaas Tüügen anbaire is sër licht un däit dij inlëre wat dai Bijbel wirklig inlërt. Dai Bijbel lëre mit Jehovaas Tüügen däit dij helpe:

•   Ain fröölig familg häwe

•   Gaur ümgang häwe mit God

•   Waiten krijge wat dai Bijbel sägt wat nog passijre däit in dai tijd foiruut

Wat däist duu nuu lëre?

•  Wosoo wart dai kurs fone Bijbel måkt?

•  Mut ik wat betåle taum dës kurs måke?

•  Wolang duurt dai kurs?

•  Wat mut ik måke taum dai kurs anfänge?

•  Kan ik bloos ais lëre taum saie wosoo dai kurs is?

•  Wen ik dës kurs måke dau, mut ik ain Jehovaas Tüügen ware?

•  Kan ik dai Bijbel benutse wat ik al häw?

•  Kan ik anerd mësch nööge taum dai Bijbel mit mij t’hoop lëre?

•  Airste däir ik dai Bijbel mit Jehovaas Tüügen lëre. Kan ik nuu werer lëre?

•  Kan ik dai Bijbel alaine lëre, åne Jehovaas Tüügen sijn hülp?

 Doir dat bauk Leew up ümer lustig!, Jehovaas Tüügen daue dij dai Bijbel inlëre. Mit dai tijd, duu däist lëre wat dai Bijbel sägt un wosoo dat dij mithelpe kan. Taum waite wosoo wart dai kurs måkt, kijk dës video.

 Gewiss ni. Jësus hät sägt ‘wij muite ümsüss geewe dat wat wij ümsüss kreege häwe’. (Mateus 10:8) Dat bauk Leew up ümer lustig! un dai Bijbel sin uk ümsüss.

 Duu däist 60 kapitels lëre. Feel lüür daue aine kapitel upe week lëre, åwer duu kast dat måke soo’s duu wilst.

1.  1. Dau dat blad fulsrijwe wat hijr on-line stäit. Jehovaas Tüügen daue dat benutse taum dij fijne.

2.  2. Air mësch wat Jehovaas Tüügen is, däit den mit dij fortele taum uutdüüre ales wat’s duu waite wilst fon dës kurs.

3.  3. Jij koine juuch afreere wosoo dat måkt wart. Jij koine t’huus t’hoop lëre, doir internet, doir telefon, doir braif un sogår doir e-mail. Mëstümer daue wij wënsig ain stuun lang lëre. Duu kast soo måke as duu wilst.

 Jå! Kan sin. Duu must bloos dat blad fulsrijwe wat hijr on-line stäit. Wen air mësch fon Jehovaas Tüügen dij henlijgre däit urer däit mit dij fortele, dau säge dai schal uutdüüre wosoo dai kurs fon Bijbel is. Hai urer sai däit benutse dai airste kapitels fon dat bauk Leew up ümer Lustig!. Soo, kast duu saie of dai Bijbel lëre dij gefale däit urer ni.

 Gewiss ni! Dai Bijbel inlëre tau der ande däit Jehovaas Tüügen sër gefale. Åwer sai maine ni dat dai andrer muite mit gewald Jehovaas Tüügen ware. Wij daue dai Bijbel inlëre, åwer wem uutsuike däit dår anglööwe urer ni, is dai mësch. (1 Pedro 3:15)

 Jå, duu kast benutse dai Bijbel wat’s duu wilst. Wij daue laiwe benutse dai Hailig Sriwt - Nåsriwen fon Nijg Wild, weegen dai is klår un licht taum forståen. Åwer wij waite feel lüür daue laiwe sijn aigen Bijbel gërn benutse.

 Gewiss doch! Duu kast dijn gans familg urer fründe nööge.

 Jå, jå! Nuu häwe wij air nijg bauk taum dai Bijbel lëre. Gans sicher dat bauk däit dij gefale, weegen is måkt woore taum oos helpe drëge mit dai ganse problems wat wij hüütsendågs doirsete. Dës bauk is gans aners as dai andrer buiker wat benutst woore sin airer as dës. Dår hät feel bijler un videos in.

 Jå! Feel lüür maine wen air eer mithelpe däit, sai daue dai Bijbel beeter forståe. Åwer wen’s duu wilst, duu kast alaine anfänge. Kijk Hülps taum dai Bijbel lëre. Hijr uuner sin wek daile taum dij mithelpe:

•   Videos fone Bijbel. Dës videos sin kord, åwer daue feel frågen fon dai Bijbel antwoore.

•   Frågen wat dai Bijbel antwoort. Wat däit dai Bijbel wirklig inlëre?

•   Wat bedüüre wek sprüüch? Dau waiten krijge wat wek sprüüch bedüüre wat dai lüür gaud kene.