‘ग’ आवासको लागि पहिल्यै तयार पारिएको ट्रसहरूमा स्टिलका किलाहरू ठोक्दै।

दक्षिण भागबाटको दृश्‍य, उत्तरमा ‘स्टरलिङ फरेस्ट लेक’-को (ब्लु लेक) दृश्‍य। त्यहाँ लगभग १३ वटा क्रेनले एकै चोटि काम गरिरहेका छन्‌। अगाडितिर ‘ख’ आवासको जग बनाउन कामदारहरू मसला हाल्दै र सम्याउँदै छन्‌।

स्टिलका बिम र खम्बाहरू जडान गर्न तयारी अवस्थामा। कार्यालय/सेवा भवनमा स्टिलको संरचना प्रयोग गरिएको छ। खुला ठाउँ प्रशस्त होस्‌ र काम छिटो गर्न सकियोस्‌ भनेर यस्तो संरचना प्रयोग गरिएको हो।

पहिल्यै तयार पारिएको ट्रसहरू जडान गर्दै। धातुको पाता र पानी नछिर्ने पत्र राखेर ‘ग’ आवासका ट्रसहरू ढाकिंदै छ। बायाँपट्टि ट्रसको आधा भागमा काम गरिंदै।

बाहिरका निर्माणकर्मीहरू भवनको दक्षिण-पश्‍चिम भागमा स्टिलका बिमहरू जडान गर्दै। भवनको यो भाग भान्छा, भोजनालय, लन्ड्री र अन्य विभागको लागि प्रयोग गरिनेछ।

ढल निकासको काम गरिरहेको कामदारलाई कुचो दिंदै।

इँटा जोड्‌ने, रङ्‌ग लगाउने र इँटा राख्ने अभ्यास गर्नको लागि यो भित्ता नमुनाको रूपमा बनाइएको थियो। नयाँ कामदारहरूलाई सिकाउन पनि यो भित्ता प्रयोग गरिएको थियो। काम सिद्धिएपछि यो भित्ता भत्काइँदै छ।

पहिल्यै तयार पारिएको ट्रसको आधा भाग क्रेनको मदतले उठाइँदै। यी त्रिकोण आकारका ट्रसहरू जोडेपछि आवास भवनको संरचना टाढाबाट हेर्दा सुन्दर देखिन्छ।

९५ हजार लिटर तेल अट्‌ने ट्याङ्‌की तल राखिंदै। यसमा राखिएको तेल जाडो याममा कोठा न्यानो पार्न प्रयोग गरिनेछ।

भवनको दक्षिण भागको दृश्‍य जसको दायाँपट्टि ब्लु लेक देखिन्छ। भवनको बाहिरपट्टि लगाइएको विभिन्‍न रङ्‌ग र राम्रो फिनिसिङ्‌को कारण भवन निकै सुन्दर देखिएको छ।

भुइँमा स्ल्याब राख्नुअघि श्रीमान्‌-श्रीमती मिलेर ढल निकासका पाइपहरू जडान गर्दै।

छतमा परेको हिउँ हटाउँदै।

अर्को दम्पती धारा-पानीको कामको लागि बनाइएको योजना हेर्दै।

हिउँ परे पनि माटो खन्‍ने, भित्ता जडान गर्ने र ढलान गर्ने काम रोकिएको छैन। तस्बिरको माथि बायाँपट्टि कार्यालय/सेवा भवनलाई बाक्लो पालले छोपिएको छ। यसो गर्दा जाडो याममा पनि ढलानको काम र आगो प्रतिरोधात्मक भवन बनाउनेजस्ता काम गर्न सकिएको छ।

बाहिरी भित्ता जडान गर्नुअघि भवन ओसिलो नहोस्‌ भनेर खामा र स्ल्याबमा एक किसिमको पत्र लगाउँदै।

माथिबाट खिचिएको पश्‍चिमतिर फर्केको दृश्‍य। तस्बिरको माथितिर आवास भवनहरू छन्‌ अनि बीचमा भएको ठूलो सेतो भवन कार्यालय/सेवा भवन हो। लगभग १०० हेक्टर जग्गाको २० प्रतिशतभन्दा थोरै भागमा मात्र निर्माणकार्य गरिएको छ। बाँकी भागचाहिं जङ्‌गल नै छोडिएको छ।

माथिबाट खिचिएको पूर्वतिर फर्केको दृश्‍य। तस्बिरको तल्लो भागमा ‘ग’ र ‘घ’ आवास देखिन्छ। ‘ग’ आवासमा बाहिरका निर्माणकर्मीहरू छानामा त्रिकोण आकारको धातुको पाता जडान गर्दै।

सिकर्मीले नमुना कोठाको भुइँमा काठको फल्याक राख्दै। आवासको हरेक कोठा कस्तो बनाउने भनेर चार वटा नमुना तयार पारिएको छ। यही नमुनाको आधारमा रङ्‌गरोगन गर्ने, गलैंचा ओछ्याउने, भुइँमा काठको फल्याक राख्ने, टाइल राख्ने र भान्छामा काउन्टर राख्ने गरिनेछ।

पानी सजिलै बगोस्‌ भनेर स्ल्याबका अग्ला-होचा ठाउँहरू हातले मिलाउँदै।

७७ वर्षीय प्राविधिक अप्टिक फाइबर भएको तार जडान गर्दै। यो निर्माणकार्य सिद्धिंदासम्म लगभग ३२ किलोमिटर तार जडान गरिनेछ।