बाइबलको अभिव्यक्ति
के तपाईँसित विश्वास छ?
यहोवामाथि विश्वास गऱ्यौँ भने मात्र हामी उहाँलाई खुसी बनाउन सक्छौँ। तर बाइबलमा “विश्वास सबैसित हुँदैन” भनेर बताइएको छ। (२ थिस्स. ३:२) प्रेषित पावलले यहाँ आफ्नो खेदो गर्ने “खतरनाक र दुष्ट मानिसहरू”-बारे बताउँदै थिए। तिनी त्यस्ता मानिसहरूबाट छुटकारा पाउन चाहन्थे। तर विश्वास नगर्नेहरूमा अरू मानिसहरू पनि पर्छन्। केही मानिसहरू सृष्टिकर्ता हुनुहुन्छ भन्ने स्पष्ट प्रमाणलाई बेवास्ता गर्छन्। (रोमी १:२०) अरू कतिपय भने परमेश्वरमा विश्वास गर्छु भनेर दाबी गर्छन्। तर यहोवालाई खुसी बनाउन यस्तो विश्वास हुनु मात्र पर्याप्त छैन।
यहोवा हुनुहुन्छ र उहाँमाथि विश्वास गर्नेहरूलाई उहाँ “इनाम दिनुहुन्छ” भन्ने कुरामा हामी ढुक्क हुनुपर्छ। (हिब्रू ११:६) विश्वास पवित्र शक्तिको फलको एउटा पक्ष हो। हामी प्रार्थना गरेर यहोवासित पवित्र शक्ति माग्न सक्छौँ। (लुका ११:९, १०, १३) पवित्र शक्ति पाउने अर्को तरिका परमेश्वरको प्रेरणाद्वारा लेखिएको उहाँको वचन पढ्नु हो। त्यसपछि हामी पढेको कुराबारे गहिरिएर सोच्न सक्छौँ र सिकेको कुरा आफ्नो जीवनमा लागू गर्ने कोसिस गर्न सक्छौँ। यसो गर्दा हामी यहोवाको पवित्र शक्तिको डोऱ्याइअनुसार हिँडिरहेका हुन्छौँ र हामीसित उहाँलाई खुसी पार्ने विश्वास छ भनेर देखाइरहेका हुन्छौँ।
