“मलाई के भएको रहेछ, बल्ल थाह पाएँ!”

डिसेम्बर १, २००० को प्रहरीधरहरा-मा प्रकाशित जीवनी पढेपछि टोकियोका एक जना व्यक्‍तिलाई यस्तो लाग्यो। उक्‍त लेखको शीर्षक थियो, “भोलि के हुने हो तिमीहरू जान्दैनौ” र यो अनुभव चिकित्सा विज्ञानमा म्यानिक-डिप्रेसिभ साइकोसिस (अत्यन्तै निराश महसुस गर्ने) भनिने रोगद्वारा पीडित भूतपूर्व मिसनरीको थियो।

टोकियो शहरका उक्‍त व्यक्‍तिले यस पत्रिकाका प्रकाशकलाई सम्बोधन गर्दै लेखेको पत्रमा यसो भनिएको थियो: “लेखमा वर्णन गरिएको अवस्था मेरो अवस्थासित ठ्याक्कै मिल्थ्यो। त्यसकारण, म मानसिक अस्पताल गएँ र म अत्यन्तै निराश हुने समस्याले पिरोलिएको रहेछु भनेर थाह पाएँ। मलाई जाँच गर्ने डाक्टर छक्कै परे। तिनले यसो भने, ‘यस्तो रोग लागेका मानिसहरू प्रायः आफूलाई रोग लागेको छ भनेर मान्‍न तयारै हुँदैनन्‌।’ मेरो रोग गम्भीर अवस्थामा पुग्नु अगावै मैले रोग खुट्याउन मदत पाएँ।”

प्रहरीधरहरा र यसको सह-पत्रिका ब्यूँझनुहोस्‌!-को प्रत्येक अंक पढेर संसारभरिका लाखौं व्यक्‍तिहरूले विभिन्‍न तरिकामा फाइदा उठाइरहेका छन्‌। तिनीहरूले यी पत्रिकाका लेखहरू जानकारीमूलक र सन्तोषप्रद पाएका छन्‌। प्रहरीधरहरा पत्रिका अहिले १४१ भाषामा र ब्यूँझनुहोस्‌! ८६ भाषामा प्रकाशित हुन्छन्‌। तपाईं पनि प्रहरीधरहरा र ब्यूँझनुहोस्‌! पत्रिकाहरू नियमित तवरमा पढेर आनन्दित हुन सक्नुहुन्छ।