मानिसहरूले कहिलेकाहीं धर्मको नाउँमा गलत काम गरेका समाचार सायद तपाईंले सुन्नु भएको छ। सबै धर्महरूको सुरुवात साँचो ईश्वरबाट भएको होइन। (मत्ती ७:१५) धेरै मानिस त बहकाउमा परेका छन्‌।—१ यूहन्ना ५:१९ पढ्नुहोस्।

तर सत्य र असल कुरा मन पराउने इमानदार व्यक्तिहरूलाई भने ईश्वरले ध्यान दिनुहुन्छ। (यूहन्ना ४:२३) त्यस्ता व्यक्तिहरूलाई ईश्वरले आफ्नो वचन बाइबलबाट सत्य सिक्न निम्तो दिंदै हुनुहुन्छ।—१ तिमोथी २:३-५ पढ्नुहोस्।

ईश्वर यहोवाले विभिन्न धर्म मान्ने मानिसहरूलाई साँचो शिक्षा सिकाएर एक ठाउँमा जम्मा गर्दै हुनुहुन्छ। साथै उहाँले यी मानिसहरूलाई आपसमा माया देखाउन पनि सिकाउनु भएको छ। (मीका ४:२, ३) त्यसकारण तपाईंले साँचो धर्मका उपासकहरूलाई तिनीहरूले आपसमा देखाउने प्रेमबाट नै चिन्न सक्नुहुन्छ।—यूहन्ना १३:३५ पढ्नुहोस्।

ईश्वरका साँचो उपासकहरू बाइबलले सिकाउने कुराहरूमा विश्वास गर्छन्‌ र बाइबलका स्तरहरू पालन गर्दै जीवन बिताउँछन्‌। (२ तिमोथी ३:१६) तिनीहरू ईश्वरको नाउँको आदर गर्छन्‌। (प्रकाश ४:११) सबै मानिसका लागि एक मात्र आशा ईश्वरको राज्य हो भनेर पनि तिनीहरू घोषणा गर्छन्‌। (दानियल २:४४) ‘ज्योति चम्काएर’ अर्थात्‌ अरूहरूको निम्ति असल काम गरेर तिनीहरू येशूको अनुकरण गर्छन्‌। (मत्ती ५:१६) त्यसैले ईश्वरको राज्यको सुसमाचार सुनाउन मानिसहरूको घर-घरमा जाने व्यक्तिहरू नै साँचो ख्रीष्टियनहरू हुन्‌ भनेर हामी चिन्न सक्छौं।—मत्ती २४:१४; प्रेषित ५:४२; २०:२० पढ्नुहोस्।