मन लगाएर तयारी गर्नुहोस्‌। प्रस्तुति तयार गर्दा आफ्नो सन्देशको महत्त्वबारे गहिरिएर सोच्नुहोस्‌। प्रस्तुत गर्नुपर्ने सामग्रीसित राम्ररी परिचित हुनुभयो भने तपाईँले आफ्नो कुरा मनैदेखि व्यक्‍त गर्न सक्नुहुनेछ।

श्रोताबारे सोच्नुहोस्‌। तपाईँले पढ्‌ने वा सिकाउने कुराले अरूलाई कस्तो लाभ पुऱ्‍याउँछ भनेर मनन गर्नुहोस्‌। अनि त्यो कुरा श्रोतालाई कसरी स्पष्ट तरिकामा बुझाउने, विचार गर्नुहोस्‌।

जीवन्त ढङ्‌गमा प्रस्तुत गर्नुहोस्‌। जोसिलो भई बोल्नुहोस्‌। स्वाभाविक तरिकाले इसारा गरेर अनि अनुहारमा निष्कपट भाव व्यक्‍त गरेर आफ्नो भावना प्रकट गर्नुहोस्‌।