उपदेशक ३:१-२२
३ सबै कामको लागि उचित समय छ,संसारमा हरेक कुराको लागि समय छ:
२ जन्मने एउटा समय छ, मर्ने एउटा समय;रोप्ने एउटा समय छ, उखेल्ने एउटा समय;
३ मार्ने एउटा समय छ, बचाउने* एउटा समय;भत्काउने एउटा समय छ, बनाउने एउटा समय;
४ रुने एउटा समय छ, हाँस्ने एउटा समय;शोक गर्ने एउटा समय छ, नाच्ने* एउटा समय;
५ ढुङ्गा फ्याँक्ने एउटा समय छ, बटुल्ने एउटा समय;अङ्गालो हाल्ने एउटा समय छ, अङ्गालो नहाल्ने एउटा समय
६ खोज्ने एउटा समय छ, खोज्न छोड्ने एउटा समय;राख्ने एउटा समय छ, मिल्काउने एउटा समय;
७ च्यात्ने एउटा समय छ,+ सिउने एउटा समय;चुप लाग्ने एउटा समय छ,+ बोल्ने एउटा समय;+
८ माया गर्ने एउटा समय छ, घृणा गर्ने एउटा समय;+युद्ध गर्ने एउटा समय छ, मिलाप गर्ने एउटा समय।
९ एउटा कामदारले आफ्नो सारा परिश्रमको फल के पाउँछ?+
१० मानिसलाई अलमल्याउन परमेश्वरले दिनुभएका सबै काम पनि मैले देखेँ।
११ उहाँले जे-जे बनाउनुभयो, ती सबै आ-आफ्नो समयमा सुन्दर* हुन्छन्।+ उहाँले मानिसको हृदयमा सधैँभरि बाँच्ने विचार पनि राखिदिनुभयो। तैपनि मानिसले साँचो परमेश्वरको काम पूर्ण रूपमा* कहिल्यै बुझ्न सक्दैन।
१२ रमाउनु र असल काम गर्नु नै मानिसले जीवनमा गर्न सक्ने सबैभन्दा उत्तम कुरा हो भन्ने निष्कर्षमा म पुगेँ।+
१३ साथै खानु, पिउनु र आफ्नो सबै परिश्रमबाट सन्तुष्टि लिनु नै परमेश्वरको वरदान हो।+
१४ साँचो परमेश्वरले बनाउनुभएका सबै कुरा सधैँका लागि रहन्छन् भनेर पनि मैले बुझेको छु। तिनमा केही थपघट गर्न सकिँदैन। मानिसहरूले परमेश्वरको डर मानून् भनेर उहाँले त्यसरी नै सबथोक बनाउनुभएको हो।+
१५ जे कुरा भइरहेका छन्, ती पहिल्यै भइसकेका थिए। अनि जे कुरा हुन लागेका छन्, ती पनि पहिल्यै भइसकेका थिए।+ तर मानिसहरू जुन कुराको पछि लागेका छन्,* साँचो परमेश्वर ती पूरा गर्नुहुन्छ।
१६ संसारमा* न्यायलाई दुष्टताले र असल कामलाई* खराब कामले दबाएको पनि मैले देखेँ।+
१७ त्यसैले मैले मनमनै यसो भनेँ: “साँचो परमेश्वरले धर्मी र दुष्ट दुवैको इन्साफ गर्नुहुनेछ।+ किनकि सबै कुराको लागि उचित समय छ।”
१८ साँचो परमेश्वरले मानिसहरूलाई जाँच्नुहुनेछ भनेर पनि मैले मनमनै भनेँ। त्यसपछि तिनीहरू र जनावरहरूबीच केही भिन्नता छैन भनेर तिनीहरूले बुझ्नेछन्।
१९ किनकि आखिरमा मानिस र जनावर दुवैले एउटै नतिजा भोग्नुपर्छ।+ जनावर मरेझैँ मानिस पनि मर्छ। तिनीहरू सबैमा जीवनको सास हुन्छ।+ त्यसैले मानिस जनावरभन्दा श्रेष्ठ छैन। सबै कुरा व्यर्थ छ।
२० तिनीहरू सबै एउटै ठाउँमा जान्छन्।+ तिनीहरू माटैबाट आएका हुन्+ र माटैमा फिर्ता जानेछन्।+
२१ मानिसको सास मास्तिर अनि जनावरको सास तल्तिर जान्छ भनेर कसले बताउन सक्छ?+
२२ आफ्नो काममा रमाउनुभन्दा उत्तम कुरा मानिसको लागि अरू केही छैन भनी मैले देखेँ।+ किनकि त्यो नै उसको इनाम* हो। ऊ मरिसकेपछि के हुन्छ, कसैले उसलाई देखाउन सक्दैन।+
फुटनोटहरू
^ शा., “निको पार्ने।”
^ शा., “उफ्रने।”
^ वा “व्यवस्थित; सही; उचित।”
^ शा., “साँचो परमेश्वरको सुरुदेखि अन्तसम्मको काम।”
^ वा सम्भवतः “तर जे कुरा बितिसकेका छन्।”
^ शा., “सूर्यमुनि।”
^ वा “धार्मिकतालाई।” शब्दावलीमा “धार्मिकता” हेर्नुहोस्।
^ वा “भाग।”
