भजनसङ्ग्रह १०६:१-४८
१०६ याहको प्रशंसा गर!*यहोवालाई धन्यवाद चढाओ किनकि उहाँ भला हुनुहुन्छ;+उहाँको अटल प्रेम कहिल्यै टल्दैन।+
२ यहोवाका सबै शक्तिशाली कार्यहरूको वर्णन कसले गर्न सक्छ?उहाँका सबै प्रशंसायोग्य कामहरूको बयान कसले गर्न सक्छ?+
३ आनन्दित हुन् तिनीहरू, जो न्यायसाथ काम गर्छन्अनि जे सही छ, सधैँ त्यही गर्छन्।+
४ हे यहोवा, आफ्ना मानिसहरूलाई अनुग्रह देखाउनुहुँदा मलाई नबिर्सनुहोस्।+मेरो ख्याल राख्नुहोस् र मलाई बचाउनुहोस्
५ ताकि तपाईँले आफ्ना चुनिएका जनहरूलाई देखाउनुहुने भलाइको आनन्द मैले पनि लिन सकूँ,+तपाईँको राष्ट्रसँगसँगै म पनि रमाउन सकूँअनि तपाईँको सम्पत्तिसितै मिलेर गर्वले तपाईँको प्रशंसा गर्न सकूँ।
६ हाम्रा पुर्खाहरूले जस्तै हामीले पाप गरेका छौँ;+हामीले गल्ती गरेका छौँ, दुष्ट काम गरेका छौँ।+
७ मिश्रमा हाम्रा पुर्खाहरूले तपाईँका आश्चर्यजनक कामहरूको कदर गरेनन्।*तपाईँको अपार प्रेम* तिनीहरूले बिर्सिएबरु समुद्रको छेउमा, हो, लाल समुद्रको छेउमा विद्रोह गरे।+
८ तर आफ्नो नामको खातिर+अनि आफ्नो शक्ति प्रकट गर्न+ उहाँले तिनीहरूलाई बचाउनुभयो।
९ उहाँले लाल समुद्रलाई हप्काउनुभयो र त्यो सुकिहाल्यो;उहाँले तिनीहरूलाई मरुभूमिको सुक्खा जमिनबाट जस्तैगरि समुद्रको गहिराइबाट लैजानुभयो।+
१० उहाँले तिनीहरूलाई शत्रुहरूको हातबाट बचाउनुभयो+अनि दुस्मनहरूको पन्जाबाट छुटाउनुभयो।+
११ तिनीहरूका शत्रुहरूलाई पानीले छोप्यो;उनीहरूमध्ये कोही पनि बाँकी रहेन।+
१२ तब तिनीहरूले उहाँको प्रतिज्ञामा विश्वास गरे;+तिनीहरूले उहाँको स्तुति गाउन थाले।+
१३ तर तिनीहरूले उहाँका कामहरू बिर्सिहाले;+तिनीहरूले उहाँको निर्देशनको प्रतीक्षा गरेनन्।
१४ निर्जनभूमिमा तिनीहरू आफ्नो स्वार्थी चाहनाको वशमा परे;+मरुभूमिमा तिनीहरूले परमेश्वरको परीक्षा गरे।+
१५ तिनीहरूले मागेको कुरा उहाँले तिनीहरूलाई दिनुभयोतर त्यसपछि उहाँले तिनीहरूलाई रुढीले प्रहार गर्नुभयो र तिनीहरू नाश भए।+
१६ छाउनीमा हुँदा तिनीहरू मोसादेखि डाही भए;यहोवाका पवित्र सेवक+ हारुनको+ पनि तिनीहरूले डाह गरे।
१७ अनि जमिनले आफ्नो मुख बाएर दातानलाई निल्योर अबिरामको साथमा भेला भएकाहरू पुरिए।+
१८ तिनीहरूको समूहमा आगो दन्कियो;दुष्टहरूलाई आगोको ज्वालाले भस्म गऱ्यो।+
१९ होरेबमा तिनीहरूले बाछो बनाएअनि धातुको मूर्तिलाई* ढोगे;+
२० तिनीहरूले मलाई महिमा दिनुको सट्टाघाँस खाने गोरुको प्रतिमालाई महिमा दिए।+
२१ तिनीहरूले आफ्ना उद्धारक परमेश्वरलाई बिर्सिए,+जसले मिश्रमा ठूलठूला कामहरू गर्नुभएको थियो,+
२२ जसले हामको देशमा आश्चर्यजनक कामहरू गर्नुभएको थियो+अनि लाल समुद्रमा उदेकलाग्दा कामहरू गर्नुभएको थियो।+
२३ उहाँले तिनीहरूलाई नामेट पार्ने आदेश दिनै लाग्नुभएको थियोतर उहाँको चुनिएका सेवक मोसाले उहाँलाई आफ्नो भयानक क्रोध शान्त गर्न+ बिन्ती गरे।*
२४ तर फेरि तिनीहरूले सुन्दर देशलाई तुच्छ ठाने;+उहाँको प्रतिज्ञामा तिनीहरूले विश्वास गरेनन्।+
२५ तिनीहरूले आ-आफ्नो पालभित्र गनगन गरिरहे;+तिनीहरूले यहोवाको स्वर सुनेनन्।+
२६ त्यसैले आफ्नो हात उठाएर उहाँले तिनीहरूबारे शपथ खानुभयो,तिनीहरूलाई निर्जनभूमिमै नाश गर्ने शपथ खानुभयो।+
२७ तिनीहरूका सन्तानलाई जातिजातिको हातमा सुम्पिनेअनि तिनीहरूलाई देश-देशमा तितरबितर गरिदिने शपथ खानुभयो।+
२८ तिनीहरूले पोअरको बाआल देवताको उपासनामा भाग लिए*+अनि तिनीहरूले मरेकाहरूलाई चढाइएको बलि* खाए।
२९ आफ्नो कामद्वारा तिनीहरूले परमेश्वरलाई क्रोधित तुल्याए+अनि तिनीहरूमाझ महामारी फैलियो।+
३० तर जब पिनहास अघि बढेर कदम चाले,तब महामारी थामियो।+
३१ अनि तिनले गरेको त्यो कामले गर्दातिनी पुस्तौँपुस्तासम्म, हो, सदालाई धर्मी ठहरिए।+
३२ मरिबाको* पानीनेर तिनीहरूले उहाँलाई रिस उठाए,तिनीहरूले गर्दा मोसाले दुःखलाग्दो परिणाम भोग्नुपऱ्यो।+
३३ तिनीहरूले उनलाई रिस उठाए;रिसको झोँकमा उनले बोल्न नहुने कुरा बोले।+
३४ तिनीहरूले यहोवाको आज्ञा पालन गरेनन्;+तिनीहरूले वरपरका जातिहरूलाई नाश गरेनन्।+
३५ बरु तिनीहरू ती जातिहरूसित घुलमिल भए+र तिनीहरूकै तौरतरिका अपनाए।*+
३६ तिनीहरूले उनीहरूका मूर्तिहरू पुजिरहे+र त्यो नै तिनीहरूको लागि पासो बन्यो।+
३७ तिनीहरू भूतप्रेतलाईआफ्ना छोराछोरीको बलि चढाउँथे।+
३८ तिनीहरूले निर्दोषहरूको रगत बगाउन छोडेनन्,+तिनीहरूले आफ्नै छोराछोरीको रगत बगाए,जसलाई तिनीहरूले कनानका मूर्तिहरूका निम्ति बलि चढाए।+अनि तिनीहरूले बगाएको रगतले देश दूषित भयो।
३९ तिनीहरूको कुकर्मले गर्दा तिनीहरू अशुद्ध भए;आफ्ना कामहरूद्वारा तिनीहरूले वेश्यावृत्ति* गरे।+
४० त्यसैले आफ्ना मानिसहरूविरुद्ध यहोवाको क्रोध दन्कियो,आफ्नो सम्पत्तिलाई उहाँले घृणा गर्न थाल्नुभयो।
४१ उहाँले पटक-पटक तिनीहरूलाई अरू जातिको हातमा सुम्पिनुभयो+ताकि तिनीहरूलाई घृणा गर्नेहरूले तिनीहरूमाथि हैकम जमाऊन्।+
४२ तिनीहरूका शत्रुहरूले तिनीहरूलाई दमन गरेर तिनीहरूलाई आफ्नो शक्तिको वशमा पारे।
४३ थुप्रै चोटि उहाँले तिनीहरूलाई छुटाउनुभयो+तर तिनीहरू भने विद्रोह गर्थे र अनाज्ञाकारी हुन्थे+अनि आफ्नै गल्तीले गर्दा तिनीहरू अपमानित हुन्थे।+
४४ तर उहाँले तिनीहरूको दुःख देख्नुहुन्थ्यो+र तिनीहरूको गुहार सुन्नुहुन्थ्यो।+
४५ तिनीहरूको खातिर उहाँ आफ्नो करार सम्झनुहुन्थ्योअनि आफ्नो अपार प्रेमको* कारण उहाँ दयाले भरिनुहुन्थ्यो।*+
४६ तिनीहरूलाई बन्दी बनाएर लैजानेहरूको मनमाउहाँले तिनीहरूप्रति दया जगाइदिनुहुन्थ्यो।+
४७ हे यहोवा हाम्रा परमेश्वर, हामीलाई जोगाउनुहोस्,+हामीलाई जातिजातिहरूबाट जम्मा गर्नुहोस्+र हामीले तपाईँको पवित्र नामको गुणगान गाउन सकौँ,रमाई-रमाई तपाईँको प्रशंसा गर्न सकौँ।+
४८ इस्राएलका परमेश्वर यहोवाको प्रशंसा होस्,सदासर्वदा* प्रशंसा होस्।+सबै मानिसले भनून्, “आमिन!”*याहको प्रशंसा गर!*
फुटनोटहरू
^ वा “हल्लेलूयाह।” “याह,” यहोवा नामको छोटो रूप हो।
^ वा “अर्थ बुझेनन्।”
^ वा “अटल प्रेम।”
^ वा “धातु पगालेर बनाइएको मूर्तिलाई।”
^ शा., “चिरा परेको ठाउँमा उहाँसामु उभिए।”
^ अर्थात्, मरिसकेका मानिसहरूलाई वा निर्जीव देवताहरूलाई चढाइएको बलि।
^ वा “बाआल देवतासित टाँसिए।”
^ यसको अर्थ हो, “झगडा।”
^ वा “सिके।”
^ साँचो परमेश्वरको उपासनालाई त्यागेर झूटा देवताहरूलाई पुज्नुलाई वेश्यावृत्तिसित तुलना गरिएको छ।
^ वा “पछुताउनुहुन्थ्यो।”
^ वा “अटल प्रेमको।”
^ वा “युगौँयुगसम्म।”
^ वा “यस्तै होस्!”
^ वा “हल्लेलूयाह।” “याह,” यहोवा नामको छोटो रूप हो।
