भजनसङ्ग्रह ११६:१-१९
११६ म यहोवालाई प्रेम गर्छुकिनकि उहाँ मेरो स्वर सुन्नुहुन्छ,* मदतको लागि मेरो पुकारा सुन्नुहुन्छ।+
२ उहाँले मतिर आफ्नो कान* फर्काउनुहुन्छ,+म बाँचुन्जेल* उहाँलाई पुकार्नेछु।
३ मृत्युको डोरीले मलाई कस्यो;चिहानले* मलाई आफ्नो पन्जामा पाऱ्यो।+शोक र पीडाले मलाई गाँजेको थियो।+
४ तर मैले यहोवाको नाम पुकारेँ:+“हे यहोवा, मलाई बचाउनुहोस्!”
५ यहोवा दयालु र न्यायी हुनुहुन्छ;+हाम्रा परमेश्वर कृपालु हुनुहुन्छ।+
६ यहोवा अनुभवहीनहरूलाई रक्षा गर्नुहुन्छ।+म असहाय भएको थिएँ तर उहाँले मलाई बचाउनुभयो।
७ म फेरि चिन्तामुक्त हुनेछुकिनकि यहोवाले मलाई दया देखाउनुभएको छ।
८ तपाईँले मलाई मृत्युबाट छुटाउनुभएको छ,मेरो आँखालाई रुन र मेरो खुट्टालाई ठेस लाग्न दिनुभएको छैन।+
९ जीवितहरूको देशमा म यहोवासामु हिँड्नेछु।
१० मलाई विश्वास थियो, त्यसैले मैले बोलेँ;+म साह्रै कष्टमा थिएँ।
११ म आत्तिएँ र भनेँ:“सबै मानिस झूटा हुन्।”+
१२ यहोवाले मेरो लागि गर्नुभएका सबै उपकारको साटोम उहाँलाई के चढाऊँ?
१३ म उद्धारको कचौरा लिनेछुर यहोवाको नाम पुकार्नेछु।
१४ मैले यहोवासित गरेका भाकलहरूउहाँका सबै मानिससामु म पूरा गर्नेछु।+
१५ आफ्ना वफादार जनहरूको मृत्युयहोवाको नजरमा अनमोल छ।+
१६ हे यहोवा, म तपाईँलाई बिन्ती गर्छुकिनकि म तपाईँको सेवक हुँ।म तपाईँको सेवक हुँ, तपाईँकी दासीको छोरा।तपाईँले मेरा बन्धनहरू फुकाउनुभएको छ।+
१७ म तपाईँलाई धन्यवादको भेटी चढाउनेछु;+म यहोवाको नाम पुकार्नेछु।
१८ मैले यहोवासित गरेका भाकलहरूउहाँका सबै मानिससामु+ म पूरा गर्नेछु,+
१९ यहोवाको भवनको चोकमा+हे यरुसलेम, तिम्रो माझमा।याहको प्रशंसा गर।*+
फुटनोटहरू
^ वा सम्भवतः “म प्रेम गर्छु किनकि यहोवा सुन्नुहुन्छ।”
^ वा “झुक्नुहुन्छ र सुन्नुहुन्छ।”
^ शा., “मेरा दिनहरूमा।”
^ वा “हल्लेलूयाह।” “याह,” यहोवा नामको छोटो रूप हो।
