भजनसङ्ग्रह २१:१-१३
निर्देशकलाई; दाउदले रचेको भजन।
२१ हे यहोवा, तपाईँको शक्तिमा राजा रमाउँछन्;+तपाईँले दिनुहुने उद्धारमा तिनी कत्ति रमाउँछन्!+
२ तपाईँले तिनको मनको इच्छा पूरा गर्नुभएको छ;+तिनको बिन्ती* सुन्न इन्कार गर्नुभएको छैन। (सेला)
३ किनकि तपाईँले तिनलाई प्रशस्त आशिष् दिनुभयो;निखुर* सुनको मुकुट तिनको शिरमा पहिऱ्याइदिनुभयो।+
४ तिनले तपाईँसित जीवन मागे र तपाईँले दिनुभयो,+लामो जीवन, सदासर्वदाको जीवन।
५ तपाईँले दिनुहुने उद्धारले गर्दा तिनको धेरै महिमा हुन्छ।+तपाईँले तिनलाई गौरव र महिमा दिएर सम्मान गर्नुभएको छ।
६ तपाईँले तिनलाई सदासदा आशिष् दिने निश्चय गर्नुभएको छ;+तपाईँको उपस्थितिले गर्दा तिनी खुसी भएका छन्।+
७ किनकि राजाले यहोवामा भरोसा गर्छन्;+सर्वोच्च परमेश्वरको अटल प्रेमको कारण तिनी कहिल्यै डग्नेछैनन्।*+
८ तपाईँको बाहुलीले तपाईँका सबै शत्रुलाई फेला पार्नेछ;तपाईँको दाहिने बाहुलीले तपाईँलाई घृणा गर्नेहरूलाई फेला पार्नेछ।
९ तपाईँ तिनीहरूलाई नाश गर्न आउनुहुँदा तिनीहरूलाई दनदनी बलेको आगोको भट्टीसरह बनाउनुहुनेछ।यहोवाले रिसाएर तिनीहरूलाई निल्नुहुनेछ र आगोले तिनीहरूलाई भस्म पार्नेछ।+
१० तपाईँले पृथ्वीबाट तिनीहरूका शाखासन्तानको नामोनिसान मेटिदिनुहुनेछर मानिसजातिबाट तिनीहरूको वंश विनाश गरिदिनुहुनेछ।
११ किनकि तिनीहरूले तपाईँविरुद्ध उठ्ने विचार गरिरहेका छन्;+तिनीहरूले बनाएको कुटिल योजना सफल हुनेछैन।+
१२ तिनीहरूतर्फ* आफ्नो धनु* तेर्साएरतपाईँले तिनीहरूलाई भाग्न बाध्य पार्नुहुनेछ।+
१३ हे यहोवा, उठ्नुहोस् र आफ्नो बल प्रकट गर्नुहोस्।तपाईँको पराक्रमको हामी स्तुति गाउनेछौँ।*
फुटनोटहरू
^ शा., “ओठको बिन्ती।”
^ वा “खारिएको।”
^ वा “कहिल्यै लरखराउनेछैनन् (धरमराउनेछैनन्)।”
^ शा., “तिनीहरूको अनुहारतर्फ।”
^ शा., “धनुको ताँदो।”
^ शा., “पराक्रमबारे गाउनेछौँ र धुन बजाउनेछौँ।”
