भजनसङ्ग्रह ४१:१-१३
निर्देशकलाई; दाउदले रचेको भजन।
४१ आनन्दित हो त्यो मानिस, जसले दीनदुःखीहरूको ख्याल राख्छ;+यहोवाले उसलाई विपत्तिको दिनमा बचाउनुहुनेछ।
२ यहोवाले उसको रक्षा गर्नुहुनेछ र उसलाई जीवित राख्नुहुनेछ।ऊ पृथ्वीमा आनन्दित मानिस भनेर चिनिनेछ;+तपाईँले उसलाई कहिल्यै शत्रुको हातमा सुम्पिनुहुनेछैन।+
३ ऊ बिरामी पर्दा यहोवाले उसलाई ओछ्यानमै सम्हाल्नुहुनेछ;+तपाईँले उसलाई बिरामी अवस्थामा हेरविचार गर्नुहुनेछ।
४ मैले भनेँ: “हे यहोवा, मैले तपाईँविरुद्ध पाप गरेको छु।+ममाथि अनुग्रह गर्नुहोस्,+ मलाई निको पार्नुहोस्।”+
५ तर मेरा शत्रुहरूले मबारे यस्तो दुष्ट कुरा गरेका छन्:“त्यो कहिले मर्छ? त्यसको नाम कहिले मेटिन्छ?”
६ यदि तिनीहरूमध्ये कोही मलाई हेर्न आयो भने पनि त्यो मनमा कपट लिएर आउँछ।त्यसले मेरो कुरा काट्न केही न केही कुरा भेट्टाउँछअनि बाहिर निस्केपछि चारैतिर त्यसबारे हल्ला फैलाउँछ।
७ मलाई घृणा गर्ने सबैले आपसमा कानेखुसी गर्छन्;तिनीहरू मेरो विरुद्धमा षड्यन्त्र रच्छन् र यसो भन्छन्:
८ “त्यसलाई घातक रोग लागेको छ;त्यो थला परेको छ, अब त्यो फेरि उठ्दैन।”+
९ मैले भरोसा गरेको मेरो घनिष्ठ साथी,+जसले मेरो रोटी खान्थ्यो, उसैले मलाई लात हान्न खुट्टा उचालेको छ।*+
१० तर हे यहोवा, ममाथि अनुग्रह गर्नुहोस् र मलाई उठाउनुहोस्ताकि म तिनीहरूसित साटो फेर्न सकूँ।
११ जब मेरा शत्रुहरू ममाथि विजयी हुँदैनन्,+तब मैले थाह पाउनेछु, तपाईँ मसित प्रसन्न हुनुहुन्छ।
१२ मेरो सत्यनिष्ठाको कारण तपाईँले मलाई उचाल्नुभएको छ;+तपाईँले मलाई आफ्नो नजरसामु सदाको लागि राख्नुहुनेछ।+
१३ इस्राएलका परमेश्वर यहोवाको प्रशंसा होस्,सदासर्वदा* प्रशंसा होस्।+
आमिन, आमिन।
