भजनसङ्ग्रह ४७:१-९
निर्देशकलाई; कोरहवंशीको+ एउटा भजन।
४७ हे सबै देशका मानिसहरू हो, ताली बजाओ।रमाहट गर्दै ठूलठूलो स्वरमा परमेश्वरको जयजयकार गर।
२ किनकि सर्वोच्च परमेश्वर यहोवा भययोग्य हुनुहुन्छ;+उहाँ सारा पृथ्वीका महाराजा हुनुहुन्छ।+
३ उहाँ मानिसहरूलाई हाम्रो अधीनमा ल्याउनुहुन्छ;जातिजातिका मानिसहरूलाई हाम्रो पैतालामुनि पार्नुहुन्छ।+
४ हाम्रो लागि उहाँले नै उत्तराधिकार रोज्नुहुन्छ,+त्यो देश जुन परमेश्वरले माया गर्नुहुने याकुबको गौरव हो।+ (सेला)
५ जयजयकारको स्वर गुञ्जिँदै गर्दा परमेश्वर सिंहासनमा विराजमान हुनुभएको छ;मानिसहरूले सिङ* फुक्दै गर्दा यहोवा सिंहासनमा बस्नुभएको छ।
६ परमेश्वरको स्तुति गाओ,* उहाँको स्तुति गाओ।हाम्रा राजाको स्तुति गाओ, उहाँको स्तुति गाओ।
७ किनभने उहाँ सारा पृथ्वीका महाराजा हुनुहुन्छ;+उहाँको स्तुति गाओ र आफ्नो बुद्धि प्रकट गर।
८ जातिजातिका बीचमा परमेश्वर राजा हुनुभएको छ।+उहाँ आफ्नो पवित्र सिंहासनमा विराजमान हुनुभएको छ।
९ अब्राहामका परमेश्वरका मानिसहरूसँगैशासकहरू पनि भेला भएका छन्।किनभने पृथ्वीका शासकहरू* परमेश्वरकै हुन्।उहाँ अत्यन्तै उच्च पारिनुभएको छ।+
