भजनसङ्ग्रह ५१:१-१९
निर्देशकलाई; दाउदले बेतसेबासित नाजायज सम्बन्ध राखेपछि भविष्यवक्ता नातान तिनलाई भेट्न आएको बेला दाउदले रचेको भजन।+
५१ हे परमेश्वर, तपाईँले देखाउनुहुने अटल प्रेमअनुसारै ममाथि अनुग्रह गर्नुहोस्।+तपाईँको अपार कृपाअनुसारै मेरा अपराधहरू मेटाइदिनुहोस्।+
२ मेरो गल्ती पूरै पखालिदिनुहोस्+र मेरो पाप मेटेर मलाई शुद्ध पार्नुहोस्।+
३ किनकि मलाई थाह छ, मैले पाप गरेको छुर मेरो पाप सधैँ मेरै सामुन्ने* छ।+
४ तपाईँको विरुद्धमा, केवल तपाईँकै विरुद्धमा मैले पाप गरेको छु;+तपाईँको नजरमा जे खराब छ, मैले त्यही गरेको छु।+त्यसैले तपाईँ जे भन्नुहुन्छ, सही भन्नुहुन्छ,तपाईँ उचित न्याय गर्नुहुन्छ।+
५ हेर्नुहोस्! म त जन्मँदै पापी थिएँ,पापैमा मेरी आमाले मलाई गर्भधारण गरिन्।*+
६ हेर्नुहोस्! तपाईँ त्यस्तो मानिसदेखि खुसी हुनुहुन्छ, जो मनैदेखि सोझो छ;+मेरो मनलाई साँचो बुद्धिको कुरा सिकाउनुहोस्।
७ हिसपले* मेरा पापहरू चोख्याउनुहोस् र म शुद्ध हुनेछु;+मलाई पखाल्नुहोस् र म हिउँभन्दा पनि सेतो हुनेछु।+
८ मैले खुसीयाली र रमाहटको स्वर सुन्न पाऊँअनि तपाईँले चकनाचुर पार्नुभएका हड्डीहरू रमाऊन्।+
९ मेरा पापहरूदेखि आफ्नो मुहार अन्तै फर्काउनुहोस्*+र मेरा सबै अपराध मेटिदिनुहोस्।+
१० हे परमेश्वर, ममा शुद्ध हृदय सृजनुहोस्+अनि मभित्र नयाँ र स्थिर मन+ हालिदिनुहोस्।
११ तपाईँको सामुन्नेबाट मलाई ननिकाल्नुहोस्;तपाईँको पवित्र शक्ति मबाट नखोस्नुहोस्।
१२ तपाईँले उद्धार गर्नुहुँदाको खुसी मैले फेरि पाउन सकूँ;+तपाईँको आज्ञा पालन गर्ने चाहना ममा जगाइदिनुहोस्।
१३ पापीहरू तपाईँकहाँ फर्कून् भनेरम अपराधीहरूलाई तपाईँको मार्गमा हिँड्न सिकाउनेछु।+
१४ हे परमेश्वर, मेरो उद्धार गर्नुहुने परमेश्वर,+ मलाई रक्तदोषबाट मुक्त गर्नुहोस्+अनि मेरो जिब्रोले हर्ष मनाउँदै तपाईँको धार्मिकताको घोषणा गर्नेछ।+
१५ हे यहोवा, मेरो मुख खोलिदिनुहोस्ताकि म तपाईँको प्रशंसा गर्न सकूँ।+
१६ किनकि तपाईँ बलिदान चाहनुहुन्न, नत्र म त्यो चढाउने थिएँ;+तपाईँ अग्निभेटीदेखि प्रसन्न हुनुहुन्न।+
१७ टुटेको हृदय परमेश्वरलाई खुसी तुल्याउने बलिदान हो;हे परमेश्वर, तपाईँ टुटेको र चूर्ण हृदयलाई तिरस्कार* गर्नुहुन्न।+
१८ आफ्नो अनुग्रह प्रकट गरेर सियोनको भलाइ गर्नुहोस्;यरुसलेमका पर्खालहरूलाई फेरि मजबुत बनाउनुहोस्।
१९ धार्मिकताको बलिदानदेखि तपाईँ प्रसन्न हुनुहुनेछ,अग्निभेटीदेखि र सिङ्गो बलिदानदेखि प्रसन्न हुनुहुनेछ;तपाईँको वेदीमा बहरहरू चढाइनेछन्।+
फुटनोटहरू
^ वा “मेरो मनमा।”
^ वा “मेरी आमाले मलाई गर्भधारण गरेदेखि नै म पापी थिएँ।”
^ वा “लुकाउनुहोस्।”
^ वा “हेला।”
