भजनसङ्ग्रह ६५:१-१३
निर्देशकलाई। दाउदले रचेको भजन। एउटा गीत।
६५ हे परमेश्वर, सियोनमा प्रशंसाले तपाईँको बाटो हेरिरहेको छ।+तपाईँसित गरेको भाकल हामी पूरा गर्नेछौँ।+
२ हे प्रार्थना सुन्नुहुने परमेश्वर, हरकिसिमका मानिसहरू तपाईँकहाँ आउनेछन्।+
३ मेरा दोषहरूले मलाई घेरेका छन्+तर तपाईँले हाम्रा अपराधहरू ढाकिदिनुहुन्छ।+
४ आनन्दित हो त्यो मानिस, जसलाई तपाईँ रोज्नुहुन्छर तपाईँको चोकमा बास गराउन आफ्नो नजिक ल्याउनुहुन्छ।+तपाईँको भवनका, तपाईँको पवित्र मन्दिरका*+ असल-असल थोकहरूलेहामी तृप्त हुनेछौँ।+
५ हे हाम्रो उद्धार गर्नुहुने परमेश्वर,आफ्नो धार्मिकताको खातिर तपाईँले आश्चर्यजनक कामद्वारा हामीलाई जवाफ दिनुहुनेछ;+पृथ्वीको कुनाकुनासम्मका सबै मानिसकोर समुद्रपारि टाढा-टाढा बस्ने सबैको भरोसा तपाईँ नै हुनुहुन्छ।+
६ तपाईँले* आफ्नो शक्तिले पहाडहरूको जग बलियोगरि बसाल्नुभयो;तपाईँ* महाशक्तिले भरिपूर्ण हुनुहुन्छ।+
७ समुद्रको गर्जनलाई तपाईँ* शान्त पार्नुहुन्छ,+त्यसको छाललाई तपाईँ मत्थर गर्नुहुन्छअनि जातिजातिको खैलाबैलालाई शान्त गरिदिनुहुन्छ।+
८ तपाईँका आश्चर्यजनक र भययोग्य कामहरू देखेर टाढा-टाढा रहनेहरू चकित हुनेछन्;+पूर्वदेखि पश्चिमसम्म रहनेहरू* तपाईँकै कारण खुसीले कराउनेछन्।
९ तपाईँ पृथ्वीको रेखदेख गर्नुहुन्छ,त्यसलाई प्रशस्त उब्जनी दिनुहुन्छ र भरिभराउ पार्नुहुन्छ।+तपाईँको नदीमा प्रशस्त पानी बग्छ;तपाईँ मानिसहरूलाई अन्न जुटाइदिनुहुन्छ+किनकि तपाईँले पृथ्वीलाई यसरी नै बनाउनुभएको छ।
१० त्यसका खेतहरूलाई तपाईँ आकाशको पानीले भिजाउनुहुन्छ र माटोलाई सम्म पार्नुहुन्छ;आकाशबाट झरी बर्साएर तपाईँले त्यसलाई खुकुलो पार्नुहुन्छ; त्यसले दिने उब्जनीमा आशिष् दिनुहुन्छ।+
११ तपाईँ पूरै वर्षलाई भलाइको मुकुट पहिऱ्याउनुहुन्छ;तपाईँका गोरेटाहरू उत्तम-उत्तम कुराले भरिएका हुन्छन्।+
१२ निर्जनभूमिका खर्कहरू लहलह भएका छन्+अनि पहाडहरूमा जताततै खुसीयाली छाएको छ।+
१३ खर्कहरू वस्तुभाउले भरिएका छन्अनि बेँसीहरू लहलह अन्नका बालीले ढाकिएका छन्।+तिनीहरू जयजयकार गर्छन् र गीत गाउँछन्।+
फुटनोटहरू
^ वा “पवित्र स्थानका।”
^ शा., “उहाँले।”
^ शा., “उहाँ।”
^ शा., “उहाँ।”
^ वा “सूर्योदय हुने ठाउँदेखि सूर्यास्त हुने ठाउँसम्म रहनेहरू।”
