भजनसङ्ग्रह ६८:१-३५
निर्देशकलाई। दाउदले रचेको भजन। एउटा गीत।
६८ परमेश्वर उठून्, उहाँका शत्रुहरू तितरबितर होऊन्अनि उहाँलाई घृणा गर्नेहरू उहाँको सामुन्नेबाट भागून्।+
२ हावाले धुवाँलाई उडाएझैँ तिनीहरूलाई धपाउनुहोस्;आगोको अगाडि मैन पग्लेझैँदुष्टहरू परमेश्वरको सामुन्नेबाट नष्ट होऊन्।+
३ तर धर्मीहरू रमाऊन्;+परमेश्वरसामु तिनीहरू अत्यन्तै खुसी होऊन्;तिनीहरू हर्षित हुँदै कराऊन्।
४ परमेश्वरको निम्ति गाओ; उहाँको नामको स्तुति गाओ।*+मरुभूमि* हुँदै सवार हुनुहुनेको निम्ति गीत गाओ।उहाँको नाम याह* हो!+ उहाँसामु खुसीयाली मनाओ।
५ परमेश्वर, जो पवित्र निवासस्थानमा हुनुहुन्छ,+उहाँ अनाथहरूका* बुबा र विधवाहरूका रक्षक* हुनुहुन्छ।+
६ उहाँ एक्लो मानिसलाई बस्नको लागि घर दिनुहुन्छ;+उहाँ कैदीहरूलाई मुक्त गरेर तिनीहरूलाई समृद्ध बनाउनुहुन्छ।+तर हठी* मानिस भने पटपटी फुटेको सुक्खा जमिनमै रहनुपर्नेछ।+
७ हे परमेश्वर, जब तपाईँले आफ्ना मानिसहरूलाई डोऱ्याउनुभयो,*+जब तपाईँ मरुभूमि हुँदै जानुभयो, (सेला)
८ तब परमेश्वरसामु धर्ती हल्लियो;+आकाशबाट पानी बर्सियोअनि इस्राएलका परमेश्वरको सामुन्ने यो सिनै डाँडा काँप्यो।+
९ हे परमेश्वर, तपाईँले प्रशस्त पानी बर्साउनुभयो;क्लान्त भएका तपाईँका मानिसहरूलाई* तपाईँले नयाँ जोसले भरिदिनुभयो।
१० तिनीहरू तपाईँका पालहरूमा बसोबास गरे;+हे परमेश्वर, तपाईँले आफ्नो भलाइको कारण गरिबहरूका निम्ति सबै जुटाइदिनुभयो।
११ यहोवाले आज्ञा दिनुहुन्छ;स्त्रीहरूको विशाल सेनाले उहाँको सुसमाचार घोषणा गर्छ।+
१२ सेनाहरूका राजाहरू भाग्छन्,+ हो, तिनीहरू कुलेलाम ठोक्छन्!अनि घरमा रहेका स्त्रीहरूले चाहिँ लुटको माल बाँड्छन्।+
१३ तिमीहरू आगोको धुनी* लगाएर सुत्नुपरे पनित्यहाँ तिमीहरूले चाँदीको पखेटा भएको ढुकुर पाउनेछौअनि त्यसका प्वाँखहरूचाहिँ निखुर* सुनका हुनेछन्।
१४ जब सर्वशक्तिमान् परमेश्वरले त्यहाँका राजाहरूलाई तितरबितर पारिदिनुभयो,+तब जाल्मोन डाँडामा हिउँ पऱ्यो।*
१५ बासानको पहाड+ परमेश्वरको पहाड* हो;बासानको पहाड टाकुराहरू भएको पहाड हो।
१६ ए टाकुराहरू भएका पहाड हो, तिमीहरू किन त्यस डाँडाको ईर्ष्या गर्छौ,जुन डाँडालाई परमेश्वरले आफ्नो निवासस्थानको रूपमा रोज्नुभएको छ?+साँच्चै, यहोवा त्यहाँ सदासर्वदा बास गर्नुहुन्छ।+
१७ परमेश्वरका युद्ध-रथहरू दसौँ हजार, हजारौँ-हजार छन्।+यहोवा सिनै डाँडाबाट पवित्र ठाउँमा आउनुभएको छ।+
१८ हे याह, हे परमेश्वर, तपाईँ माथि उक्लनुभयो,+तपाईँले कैदीहरूलाई आफूसित लैजानुभयो,तपाईँले वरदानको रूपमा पुरुषहरू लैजानुभयो,+हो, तपाईँले जिद्दी मानिसहरूलाई समेत+ आफूसँगै लैजानुभयो र तिनीहरूसँग बास गर्नुभयो।
१९ यहोवाको प्रशंसा होस्, जसले दिनहुँ हाम्रो बोझ उठाउनुहुन्छ,+उहाँ हामीलाई उद्धार गर्नुहुने साँचो परमेश्वर हुनुहुन्छ। (सेला)
२० साँचो परमेश्वर हामीलाई छुटकारा दिनुहुने परमेश्वर हुनुहुन्छ;+ब्रह्माण्डका मालिक यहोवाले हामीलाई मृत्युबाट बचाउनुहुन्छ।+
२१ हो, परमेश्वरले आफ्ना शत्रुहरूको टाउकोअनि पाप गर्न नछोड्नेहरूको केशले भरिएको शिर कुच्याइदिनुहुनेछ।+
२२ यहोवाले यसो भन्नुभएको छ: “म तिनीहरूलाई बासानबाट फर्काएर ल्याउनेछु;+म तिनीहरूलाई समुद्रको गहिराइबाट फर्काएर ल्याउनेछु
२३ ताकि तिमीहरूको खुट्टा रगतले लतपतियोस्+अनि तिमीहरूका कुकुरहरूका जिब्रोले शत्रुहरूको रगत चाटून्।”
२४ हे परमेश्वर, तिनीहरूले तपाईँको विजययात्रा देख्छन्;मेरा परमेश्वर, मेरा राजा पवित्र ठाउँतर्फ अघि बढ्नुभएको देख्छन्।+
२५ गायकहरू अघिअघि हिँड्छन्, तिनीहरूको पछिपछि तारेबाजा बजाउँदै वाद्यवादकहरू आउँछन्+अनि बीचमा खैँजडी बजाउने युवतीहरू छन्।+
२६ समुदायमा परमेश्वरको प्रशंसा गर;हे इस्राएलको मूलबाट निस्केकाहरू हो, यहोवाको प्रशंसा गर।+
२७ त्यहाँ सबैभन्दा सानो बिन्यामिनको+ कुलले तिनीहरूलाई आफ्नो अधीनमा राखेको छ,साथै यहुदाको कुलका शासकहरूले र हल्लाखल्ला गर्ने उसको भीडलेअनि जबुलुनको कुलका र नप्तालिको कुलका शासकहरूले पनि तिनीहरूलाई अधीनमा राखेका छन्।
२८ तिमी बलियो हुनेछौ भनेर परमेश्वरले तय गर्नुभएको छ।हे परमेश्वर, तपाईँ जसले हाम्रो खातिर कदम चाल्नुभएको छ, आफ्नो शक्ति प्रकट गर्नुहोस्।+
२९ यरुसलेममा भएको तपाईँको मन्दिरको कारण+राजाहरूले तपाईँको लागि उपहारहरू ल्याउनेछन्।+
३० नर्कटहरूबीच भएका जङ्गली जनावरहरूलाई हप्काउनुहोस्,गोरुहरू+ र बाछाहरूको बथानलाई हप्काउनुहोस्,जबसम्म जातिजातिले चाँदीका टुक्राहरू ल्याएर* तपाईँलाई दण्डवत् गर्दैनन्।तर उहाँले युद्ध गर्न रमाउने जातिहरूलाई तितरबितर पारिदिनुहुन्छ।
३१ मिश्रबाट* काँसाका सामानहरू ल्याइनेछ*+अनि कुसले* परमेश्वरलाई उपहार चढाउन आतुरी गर्नेछ।
३२ हे पृथ्वीका राज्यहरू, परमेश्वरको निम्ति गाओ;यहोवाको स्तुति गाओ।*+ (सेला)
३३ उहाँको लागि, जो प्राचीन समयदेखि सर्वोच्च स्वर्गमा सवार हुनुहुन्छ।+सुन! उहाँको आवाज गर्जन्छ, उहाँको आवाज कत्ति शक्तिशाली छ।
३४ परमेश्वरको शक्तिलाई स्विकार।+इस्राएलमा उहाँको वैभव छाएको छअनि उहाँको शक्ति आकाशमा* छ।
३५ आफ्नो शानदार पवित्र स्थानमा* विराजमान परमेश्वर भय र श्रद्धाको योग्य हुनुहुन्छ।+उहाँ इस्राएलका परमेश्वर हुनुहुन्छ,जसले मानिसहरूलाई बल र शक्ति दिनुहुन्छ।+परमेश्वरको प्रशंसा होस्।
फुटनोटहरू
^ वा “धुन बजाओ।”
^ वा सम्भवतः “बादलहरूमाथि।”
^ “याह,” यहोवा नामको छोटो रूप हो।
^ वा “बुबा गुमाएका बच्चाहरूका।”
^ शा., “न्यायकर्ता।”
^ वा “विद्रोही।”
^ शा., “मानिसहरू अघिअघि जानुभयो।”
^ शा., “तपाईँको उत्तराधिकारलाई।”
^ वा सम्भवतः “भेडाहरूको गोठ।”
^ वा “पहेँलो-हरियो रङ्गको।”
^ वा “मानौँ, जाल्मोन डाँडामा हिउँ पऱ्यो।”
^ वा “विशाल पहाड।”
^ वा सम्भवतः “कुल्चिएर।”
^ वा “इजिप्टबाट।”
^ वा सम्भवतः “राजदूतहरू आउनेछन्।”
^ वा “इथियोपियाले।”
^ वा “धुन बजाओ।”
^ शा., “बादलमा।”
