यर्मिया २५:१-३८
२५ योसियाहका छोरा, यहुदाका राजा यहोयाकिमको+ शासनकालको चौथो वर्षमा यहुदाका सबै मानिसबारे यर्मियाकहाँ एउटा सन्देश आयो। त्यतिखेर बेबिलोनका राजा नबुकद्नेजरको* शासनकालको पहिलो वर्ष थियो।
२ यहुदा र यरुसलेमका सबै मानिसबारे* भविष्यवक्ता यर्मियाले यसो भने:
३ “आमोनका छोरा, यहुदाका राजा योसियाहले शासन गरेको १३ औँ वर्षदेखि+ आजसम्म अर्थात् बितेको २३ वर्षदेखि यहोवाको वचन मकहाँ आएको छ। मैले बारम्बार तपाईँहरूलाई उहाँको वचन सुनाउँदै आएको छु तर तपाईँहरूले पटक्कै सुन्नुभएन।+
४ अनि यहोवा परमेश्वरले आफ्ना सबै दास, हो, आफ्ना भविष्यवक्ताहरूलाई बारम्बार तपाईँहरूकहाँ पठाउनुभयो तर तपाईँहरूले नसुनेझैँ गर्नुभयो। उहाँको वचन सुन्नलाई तपाईँहरूले कान थाप्नुभएन।+
५ ती भविष्यवक्ताहरू सधैँ यसो भन्थे: ‘बिन्ती! आफ्ना सबै कुमार्गबाट फर्कनुहोस्!+ अनि यहोवाले तपाईँहरू र तपाईँहरूका पितापुर्खालाई धेरैअघि दिनुभएको भूमिमा तपाईँहरू वर्षौँवर्ष रहन पाउनुहुनेछ।
६ अरू देवताको पछि नलाग्नुहोस्, तिनीहरूको उपासना नगर्नुहोस् र तिनीहरूलाई दण्डवत् गर्न ननिहुरिनुहोस्। नत्र त तपाईँहरूले बनाएका मूर्तिहरूको कारण उहाँ तपाईँहरूदेखि रिसाउनुहुनेछ र तपाईँहरूमाथि विपत्ति ल्याउनुहुनेछ।’
७ “यहोवा घोषणा गर्नुहुन्छ, ‘तर तिमीहरूले मेरो कुरा सुनेनौ। बरु मूर्तिहरूलाई ढोगेर उल्टै मलाई रिस उठायौ र आफैमाथि विपत्ति निम्त्यायौ।’+
८ “त्यसैले सेनाहरूका यहोवा यसो भन्नुहुन्छ, ‘“तिमीहरूले मेरो कुरा नसुनेझैँ गरेकोले
९ म उत्तरको राज्यका सबै कुललाई बोलाउनेछु।+ म आफ्नो सेवक,+ बेबिलोनको राजा नबुकद्नेजरलाई बोलाउनेछु। म तिनीहरूलाई यो देश,+ यहाँका बासिन्दाहरू र वरपरका सबै राष्ट्रमाथि आक्रमण गर्न लगाउनेछु।+ म यी सबलाई नाश गर्नेछु र सदाको लागि उजाड पारिदिनेछु। तिमीहरूको हालत देखेर मानिसहरू डरले थरथर काँप्नेछन् र उनीहरूले खिसी गर्दै सिटी बजाउनेछन्,” यहोवा घोषणा गर्नुहुन्छ।
१० “तिनीहरूको रमाहट र नाचगानको आवाजलाई म बन्द गरिदिनेछु।+ दुलहा-दुलहीको आवाज+ र जाँतो पिँधेको आवाज म बन्द गरिदिनेछु। अनि तिनीहरूको दियो पनि निभाइदिनेछु।
११ यो देश तहसनहस हुनेछ र यसको हालत देख्नेहरू सबै डरले थरथर काँप्नेछन्। अनि यी राष्ट्रहरूले ७० वर्षसम्म बेबिलोनका राजाको सेवा गर्नुपर्नेछ।”’+
१२ “यहोवा घोषणा गर्नुहुन्छ, ‘तर ७० वर्ष बितेपछि+ म बेबिलोन र त्यसका राजालाई सजाय दिनेछु।+ म कल्दियालीहरूको देशलाई सदाको लागि उजाड पारिदिनेछु।+
१३ मैले त्यस देशविरुद्ध ल्याउँछु भनेका सबै विपत्ति म ल्याउनेछु, जुन विपत्तिहरू यर्मियाले सबै राष्ट्रविरुद्ध गरेका भविष्यवाणीहरू भएको यस पुस्तकमा लेखिएका छन्।
१४ थुप्रै राष्ट्र र महाराजाहरूले+ तिनीहरूलाई आफ्नो दास बनाउनेछन्।+ यसरी म तिनीहरूलाई तिनीहरूको कुकर्म र तिनीहरूका हातका कामहरूको निम्ति सजाय दिनेछु।’”+
१५ किनकि इस्राएलका परमेश्वर यहोवाले मलाई यसो भन्नुभयो: “मेरो हातबाट क्रोधको मद्यले भरिएको यो कचौरा लेऊ र मैले तिमीलाई पठाउन लागेका सबै राष्ट्रलाई यस कचौराबाट पिउन लगाऊ।
१६ अनि तिनीहरूले पिउनेछन् र लर्खराउनेछन्। मैले तिनीहरूबीच तरबार पठाउँदा तिनीहरू पागलझैँ हुनेछन्।”+
१७ त्यसैले मैले यहोवाको हातबाट त्यो कचौरा लिएँ र यहोवाले मलाई पठाउनुभएका सबै राष्ट्रलाई त्यस कचौराबाट पिउन लगाएँ।+
१८ सुरुमा मैले यरुसलेम, यहुदाका सहरहरू,+ त्यहाँका राजा र भारदारहरूलाई त्यस कचौराबाट पिउन लगाएँ। तिनीहरू नाश होऊन्, तिनीहरूको हालत देखेर मानिसहरू डरले थरथर काँपून् अनि मानिसहरूले तिनीहरूको खिसी गर्दै सिटी बजाऊन् र तिनीहरूको उदाहरण दिँदै सरापून् भनेर+ मैले त्यसो गरेँ। अब तिनीहरूको अवस्था त्यस्तै हुन लागेको छ।
१९ त्यसपछि मैले मिश्रका फारो,* तिनका नोकरचाकर, तिनका भारदारहरू र तिनका सबै मानिस+
२० अनि मिश्रमा बसोबास गर्ने विभिन्न देशका मानिसहरूलाई; उजका सबै राजालाई; पलिस्तियालीहरूका सबै राजालाई+ अर्थात् अस्कलोनका+ राजा, गाजाका राजा, एक्रोनका राजा र अस्दोदमा बाँकी रहेकाहरूका राजाहरूलाई;
२१ एदोम,+ मोआब+ र अम्मोनमा बस्ने मानिसहरूलाई;+
२२ टायरका सबै राजा, सिदोनका सबै राजा+ र समुद्रपारिको टापुका राजाहरूलाई;
२३ ददान,+ तेमा र बुजमा बस्ने मानिसहरू र कन्चटनेरको कपाल खौरेका सबै मानिसलाई;+
२४ अरबीहरूका सबै राजा+ र पातलो बस्तीमा बसोबास गर्ने विभिन्न देशका मानिसहरूका सबै राजालाई;
२५ जिम्रिका सबै राजा, एलामका सबै राजा+ र मादीका सबै राजालाई;+
२६ उत्तरतिर नजिकका र टाढाका सबै राजालाई अनि पृथ्वीका बाँकी सबै राज्यलाई पालैपालो त्यस कचौराबाट पिउन लगाएँ। अन्तमा सेसाकका* राजाले+ त्यस कचौराबाट पिउनेछन्।
२७ “तिमीले तिनीहरूलाई यसो भन्नू, ‘सेनाहरूका यहोवा, इस्राएलका परमेश्वर यसो भन्नुहुन्छ: “तिमीहरू यस कचौराबाट पिओ, होसै हराउनेगरि पिओ, बान्ता गर र उठ्नै नसक्नेगरि लड।+ किनकि म तिमीहरूविरुद्ध तरबार पठाउँदै छु।”’
२८ तर तिनीहरूले तिम्रो हातमा भएको यस कचौराबाट पिउन मानेनन् भने तिनीहरूलाई भन्नू, ‘सेनाहरूका यहोवा यसो भन्नुहुन्छ: “तिमीहरूले पिउनै पर्छ!
२९ किनकि हेर, म आफ्नै नामले चिनिएको सहरमाथि त अरूभन्दा पहिले विपत्ति ल्याउँदै छु भने+ के तिमीहरूचाहिँ त्यसै उम्कौला र?”’+
“‘अहँ! तिमीहरू सजाय नपाई उम्कनेछैनौ। किनकि म पृथ्वीका सबै बासिन्दाविरुद्ध तरबार पठाउँदै छु,’ सेनाहरूका यहोवा घोषणा गर्नुहुन्छ।
३० “तिमीले यी सबै भविष्यवाणी तिनीहरूलाई सुनाउनू र यसो भन्नू,‘यहोवा अग्लो ठाउँबाट गर्जनुहुनेछर आफ्नो पवित्र वासस्थानबाट ठूलो स्वरमा बोल्नुहुनेछ।
उहाँ पृथ्वीमा भएको आफ्नो वासस्थानविरुद्ध जोडले गर्जनुहुनेछ।
अङ्गुर पेल्दा मानिसहरू कराएझैँ ठूलठूलो स्वरमा कराउँदैपृथ्वीका सबै बासिन्दामाथि जित हासिल गरेकोमा उहाँले खुसीले गीत गाउनुहुनेछ।’
३१ यहोवा यस्तो घोषणा गर्नुहुन्छ, ‘पृथ्वीको कुनाकुनासम्म एउटा आवाज गुञ्जनेछकिनकि यहोवाले राष्ट्रहरूसित विवाद गर्नुहुनेछ।
उहाँ आफैले हरेक मानिसको इन्साफ गर्नुहुनेछ+
अनि दुष्टहरूलाई भने तरबारले प्रहार गर्नुहुनेछ।’
३२ सेनाहरूका यहोवा यसो भन्नुहुन्छ:
‘हेर! एक-एक गर्दै सबै राष्ट्रमा विपत्ति फैलनेछ।+
पृथ्वीको कुनाबाट एउटा भयानक आँधीबेहरी छोडिनेछ।+
३३ “‘त्यस दिन यहोवाले मार्नुभएकाहरू पृथ्वीको वल्लो छेउदेखि पल्लो छेउसम्म हुनेछन्। तिनीहरूको निम्ति कसैले शोक गर्नेछैन। तिनीहरूका लास बटुलिनेछैनन् र गाडिने पनि छैनन्। ती जमिनमा मलसरह रहनेछन्।’
३४ ए गोठालाहरू! चिच्याई-चिच्याई रोओ!
ए बगालका ठूलाबडाहरू! खरानीमा लडीबुडी गर!
किनकि तिमीहरूलाई मार्ने र तितरबितर पार्ने समय आएको छ।
माटाका दामी भाँडा खसेर टुक्राटुक्रा भएझैँ तिमीहरू चकनाचुर हुनेछौ!
३५ गोठालाहरू भागेर जाने कुनै ठाउँ छैन।
बगालका ठूलाबडाहरू उम्कने कुनै बाटो छैन।
३६ सुन! गोठालाहरूको चीत्कार सुन!
बगालका ठूलाबडाहरूको रोदन सुन!
यहोवाले तिनीहरूको खर्क उजाड पार्दै हुनुहुन्छ।
३७ यहोवाको क्रोध दन्केको हुनाले
तिनीहरू शान्तिपूर्वक बसेका ठाउँहरू निर्जन भएका छन्।
३८ उहाँ जवान सिंहझैँ आफ्नो ओडारबाट निस्कनुभएको छ।+
उहाँको भयानक तरबार र दन्केको क्रोधले गर्दा
तिनीहरूको देश तहसनहस भएको छ।
त्यसको हालत देखेर मानिसहरू डरले थरथर काँप्छन्।”
फुटनोटहरू
^ शा., “नबुकद्रेजरको।” नबुकद्नेजर नामको अर्को हिज्जे।
^ वा सम्भवतः “सबै मानिसलाई।”
^ मिश्रका राजाहरूको एउटा उपाधि।
^ यो बाबेलको (बेबिलोन) गुप्त नाम हुन सक्छ।
