यर्मिया ४७:१-७
-
पलिस्तियालीहरूबारे भविष्यवाणी (१-७)
४७ पलिस्तियालीहरूबारे भविष्यवक्ता यर्मियाकहाँ यहोवाको वचन आयो।+ यो सन्देश फारोले गाजामा पलिस्तियालीहरूलाई हराउनुअघि आएको थियो।
२ यहोवा यसो भन्नुहुन्छ:
“हेर! उत्तरतिरबाट पानी बगेर आउँदै छ!
बाढी उर्लनेछ!
सारा देश र देशमा भएका सबथोक डुबानमा पर्नेछन्,
सहर र सहरवासी डुब्नेछन्।
मानिसहरू ठूलो स्वरमा रुनेछन्,
देशमा बस्ने सबैले अलापविलाप गर्नेछन्।
३ उसका घोडाहरूको टापको आवाज,
रथहरूको गडगडाहट
अनि पाङ्ग्राहरूको घडघड सुन्दा
बुबाहरू यसरी कुलेलाम ठोक्नेछन् कि तिनीहरूले आफ्ना छोराहरूलाई फर्केर समेत हेर्नेछैनन्
किनकि तिनीहरूका हातहरू लल्याकलुलुक हुनेछन्,
४ किनकि सारा पलिस्तियालीलाई नाश गर्ने त्यो दिन आउँदै छ;+
त्यो दिन टायर+ र सिदोनलाई+ सहयोग गर्नेजति सबै नाश हुनेछन्।
किनकि काफ्तोर* टापुबाट+ आएका
बाँकी पलिस्तियालीहरूलाई यहोवाले नाश गर्नुहुनेछ।
५ गाजाले कपाल खौरनेछ।*
अस्कलोनको बोली बन्द गराइएको छ।+
हे गाजा र अस्कलोनका बेँसीमा बाँकी रहेकाहरू हो,
तिमीहरू कतिन्जेल आफ्नो शरीरमा चोट पार्छौ?+
६ हे यहोवाको तरबार!+
तँ कहिले तृप्त हुनेछस्?
आफ्नो म्यानमा फर्की।
आराम गर्, चुपचाप बस्।
७ यहोवाले नै त्यसलाई जाइलाग्न आदेश दिनुभएकोले
त्यो कसरी चुपचाप बस्न सक्ला र?
उहाँले त्यसलाई अस्कलोन र समुद्री किनारमा+
आक्रमण गर्न अह्राउनुभएको छ।”
फुटनोटहरू
^ यसले क्रेटलाई जनाउँछ।
^ अर्थात्, शोक र लाजले गर्दा गाजाका मानिसहरूले आफ्नो कपाल खौरनेछन्।
