श्रेष्ठगीत १:१-१७
-
गीतहरूमध्ये श्रेष्ठ गीत (१)
-
सुलम्मेनी युवती (२-७)
-
यरुसलेमका छोरीहरू (८)
-
राजा (९-११)
-
‘हामी तिम्रो लागि सुनका गहना बनाइदिन्छौँ’ (११)
-
-
सुलम्मेनी युवती (१२-१४)
-
“मेरो प्रेमी सुगन्धित मर्रको थैलीजस्तै छ” (१३)
-
-
गोठालो (१५)
-
“हे मेरी रूपवती प्रेयसी, तिमी कत्ति सुन्दरी छ्यौ”
-
-
सुलम्मेनी युवती (१६, १७)
-
“हे मेरो प्यारा, तिमी कत्ति सुन्दर” (१६)
-
१ गीतहरूमध्ये श्रेष्ठ गीत, जुन सुलेमानले रचे:+
२ “तिम्रा ओठले मलाई चुम्बन गरून्किनकि तिम्रो माया मद्यभन्दा* मीठो छ।+
३ तिम्रो तेलको मगमग बास्नाले मनै हर्छ।+
तिम्रो नाम शिरमा खन्याइएको सुगन्धित तेलजस्तै छ।+
त्यसैले पो रहेछ, युवतीहरू तिमीलाई देखेर मोहित भएका।
४ राजाले मलाई तिनको भित्री कोठामा ल्याइसके!
आऊ, मलाई यहाँबाट लैजाऊ, हामी कतै टाढा भागौँ!
म तिमीसितै खुसी हुन पाऊँ र रमाउन सकूँ।
मद्यभन्दा पनि मीठो तिम्रो मायाको कुरा गरौँ।
त्यसैले पो तिनीहरू* तिमीदेखि हुरुक्कै भएका रहेछन्।
५ हे यरुसलेमकी छोरीहरू हो, म काली भए पनि हिस्सी परेकी छु,केदारका पालहरूजस्तै,+ सुलेमानको पालको कपडाजस्तै।+
६ म काली छु भनेर मलाई नहेप,*म चर्को घामले डढेकी छु।
मेरा दाजुभाइ मसित रिसाएका थिए,तिनीहरूले मलाई अङ्गुर बगान हेर्ने जिम्मा दिए
तर आफ्नै बगानको भने मैले ख्याल गर्नै पाइनँ।
७ हे मेरो प्रिय, मलाई भन,तिमी आफ्ना भेडाबाख्रा कहाँ चराउँछौ?+दिउँसो तिनीहरूलाई कहाँ आराम गराउँछौ?
तिम्रा साथीहरूका बगालमाझम शोकमा परेको बेला आफ्नो अनुहार छोप्ने स्त्रीजस्तै हुन नपरोस्।”
८ “हे परमसुन्दरी, तिनलाई खोज्न चाहन्छ्यौ भनेबगालको पाइला पछ्याउँदै जाऊ,तिम्रा बाख्राका पाठाहरू गोठालाहरूको पालको छेउमै चराऊ।”
९ “हे मेरी प्रियतमा, तिम्रो रूपको बयान म कसरी गरूँ?
तिमी फारोको* रथको शोभा बढाउने सुन्दर घोडीजस्तै छ्यौ।+
१० गहनाले सजिएका तिम्रा गाला* कत्ति राम्रा!ती तिम्रा गलामा हारजस्तै छन्।
११ हामी तिम्रो लागि चाँदीका दाना जडेकासुनका गहना* बनाइदिन्छौँ।”
१२ “राजा मेरो सामने टेबुलकै छेउमा बसेका छन्तर मेरो अत्तरको* बास्नाले+ भने मेरो प्रेमीलाई नै खोजिरहन्छ।
१३ मेरो प्रेमी सुगन्धित मर्रको* थैलीजस्तै छ,+जुन रातभर मेरो छातीमा ढल्किरहन्छ।
१४ मेरो प्रेमी एन-गेदीको+ अङ्गुरको बगानमा भएकोमेहदीको गुच्छाजस्तै छ।”+
१५ “हे मेरी रूपवती प्रेयसी,
हे मेरी रूपवती प्रेयसी, तिमी कत्ति सुन्दरी छ्यौ! तिम्रा नयन ढुकुरका जस्तै छन्।”+
१६ “हे मेरो प्यारा, तिमी कत्ति सुन्दर, हेरिरहुँ जस्तो।+
आऊ, हामी ती हरिया पातहरूमा ढल्कौँ।
१७ देवदारका रूखहरू हाम्रो घरका* खाँबार सल्लाका रूखहरू हाम्रो घरको छाना हुन्।
फुटनोटहरू
^ अङ्गुरबाट बनेको रक्सी।
^ अर्थात्, युवतीहरू।
^ वा “घुरेर नहेर।”
^ मिश्रका राजाहरूको एउटा उपाधि।
^ वा सम्भवतः “चुल्ठाबीच सजिएका गाला।”
^ वा “ताज।”
^ शा., “जटामसीको।”
^ वा “भव्य घरका।”
