धेरैलाई हाम्रा समस्याहरू झन्‌झनै बढ्‌नेछ र कुनै आशा छैन जस्तो लाग्न सक्छ। तर के हाम्रो लागि कुनै आशा छ?

 हामीलाई माया गर्ने परमेश्‍वरले सबै समस्या हटाउनुहुनेछ भनेर बाइबलमा प्रतिज्ञा गरिएको छ। अब चाँडै उहाँले हाम्रा “आँखाबाट सबै आँसु पुछिदिनुहुनेछ र मृत्यु हुनेछैन अनि शोक, रुवाइ वा पीडा पनि फेरि कहिल्यै हुनेछैन।”​—प्रकाश २१:४.

•   उज्ज्वल भविष्यबारे बाइबलमा पाइने प्रतिज्ञाहरूबारे बुझ्न यो लेख पढ्‌नुहोस्‌: “आशा”

 बाइबलले दिने आशाले हामीलाई नकारात्मक भावनाहरू हटाउन र सकारात्मक सोच राखेर अघि बढ्‌न मदत गर्छ। (रोमी १५:१३) साथै बाइबलमा भएका व्यावहारिक सल्लाहहरू लागू गर्दा आर्थिक समस्या, अन्याय-अत्याचार र रोगबिमारजस्ता समस्याहरूको सामना गर्न पनि मदत पाउँछौँ।

•   अभावै अभावमा हुर्केका एक जना मानिसलाई बाइबलले दिने आशाले कसरी उद्देश्‍यपूर्ण जीवन बिताउन मदत गऱ्‍यो भनेर थाह पाउन यो भिडियो हेर्नुहोस्‌: वान पाब्लो सर्मिनो: यहोवाले मलाई अर्थपूर्ण जीवन दिनुभएको छ

•   बाइबलले निराशा, चिन्ता र नकारात्मक भावनासित जुझ्न कसरी मदत गर्छ भनेर बुझ्न यो लेख पढ्‌नुहोस्‌: “आफ्नो आशालाई डगमगाउन नदिनुहोस्‌”

•   एक विवाहित दम्पतीले साँचो आनन्द र जीवनको उद्देश्‍य कसरी पाउन सके भनेर थाह पाउन यो भिडियो हेर्नुहोस्‌: आफ्नो जीवनदेखि म वाक्कै भइसकेको थिएँ

 तपाईँ पक्कै पनि नयाँ आशा र उमङ्‌गका साथ २०२४ को सुरुवात गर्न चाहनुहुन्छ! यसो गर्न बाइबलले कसरी मदत गर्छ भनेर बुझ्न कृपया हामीसित अध्ययन गरेर हेर्नुहोस्‌। अनि परमेश्‍वरले तपाईँलाई कसरी ‘शान्ति, उज्ज्वल भविष्य र आशा’ दिनुहुनेछ, थाह पाउनुहोस्‌।​—यर्मिया २९:११.