गीत ९०
एकअर्कालाई प्रोत्साहन देऔँ!
-
१. याहको सेवा गर्नको लागि
एकअर्कालाई झकझकाउँदा
बलियो हुन्छ हाम्रो बन्धन;
छाउँछ शान्ति र एकता।
याहका जनबीचको न्यानो प्रेमले
दिन्छ साहस सहनलाई।
शरण हो हाम्रो यो मण्डली;
उपस्थित हुन्छौँ ढुक्क भै।
-
२. मिल्छ ठूलो सान्त्वना मनलाई,
सही समयमा बोल्दा।
प्यारा र वफादार साथीले
दिन्छन् सधैँ नै सान्त्वना।
विश्वास र आशा एउटै हाम्रो,
काम गर्छौँ सँगसँगै मिली।
पार्छौँ बलियो एकअर्कालाई;
मिलिजुली बोक्दछौँ बोझ।
-
३. नजिकै आयो दिन याहको,
देख्छौँ विश्वासको आँखाले।
भइरहौँ भेला एकै ठाउँमा;
बचाउँछन् अनि याहले।
एक हुँदै यहोवाका जनमाझ
गर्नेछौँ सधैँलाई सेवा।
दिन्छौँ त्यसैले यो प्रोत्साहन;
कायम राख्नू आफ्नो निष्ठा।
(लुका २२:३२; प्रेषि. १४:२१, २२; गला. ६:२; १ थिस्स. ५:१४ पनि हेर्नुहोस्)