यहोवाले याकुबको समयमा मूर्तिपूजासम्बन्धी कुनै नियम दिनुभएको थिएन। तैपनि याकुबलाई यहोवा आफ्नो मात्र उपासना गरिएको चाहनुहुन्छ भनेर थाह थियो। (प्रस्थ २०:३-५) त्यसैले उहाँले याकुबलाई बेथेल फर्किन भन्‍नुभएपछि तिनले आफ्ना सबै मानिसलाई तिनीसित भएका मूर्तिहरू हटाउन आज्ञा दिए। त्यसपछि तिनले ती मूर्तिहरूका साथै कुण्डलहरू लगेर गाडे। ती कुन्डलहरू सायद जन्तरको रूपमा लगाइन्थ्यो। (उत्प ३५:१-४) याकुबको काम देखेर यहोवा पक्कै खुसी हुनुभयो।

आज हामी कसरी यहोवालाई मात्र उपासना गर्न सक्छौँ? एउटा महत्त्वपूर्ण तरिका मूर्तिपूजा वा प्रेतवादसम्बन्धी कुराहरूबाट अलग रहेर हो। यसमा तन्त्रमन्त्रसम्बन्धी सबै कुरा हटाउनु र हामीले गर्ने मनोरञ्जन होसियारपूर्वक जाँच्नु समावेश छ। आफैलाई यस्ता प्रश्‍नहरू सोध्नुहोस्‌: ‘के मलाई भ्याम्पायर, जोम्बि अथवा अलौकिक शक्‍तिसित सम्बन्धित किताब पढ्‌न वा फिल्म हेर्न मन पर्छ? के यसमा जादु, टुनामुना वा कसैको बिगार गर्नेजस्ता कुरालाई अहानिकारक मनोरञ्जनको रूपमा प्रस्तुत गरिएको छ?’ यहोवाले घृणा गर्नुहुने सबै कुराबाट हामी टाढै रहनुपर्छ।—भज ९७:१०.

‘दियाबलको विरोध गर्नुहोस्‌’ भिडियो हेर्नुहोस्‌ अनि निम्न प्रश्‍नहरूको जवाफ दिनुहोस्‌:

• पलेसा नाम गरेकी बाइबल विद्यार्थीले कस्तो समस्याको सामना गरिन्‌?

• प्रेतवाद मुछिएका मामिलाहरूमा एल्डरहरूको मदत लिनु किन बुद्धिमानी हो?

• यहोवाको सुरक्षा चाहनेहरू कुन-कुन कुराबाट पूर्णतया अलग रहनुपर्छ?

• पलेसाले कस्तो निर्णायक कदम चालिन्‌?

• तपाईँ बस्नुहुने इलाकामा प्रेतवादको प्रभावबाट कसरी अलग रहन सक्नुहुन्छ?