यहोवाले इस्राएलीहरूलाई व्यवस्थित पार्नुभएजस्तै आज पनि उहाँ आफ्ना मानिसहरूलाई उहाँको इच्छाअनुसार गर्न व्यवस्थित पार्नुहुन्छ। संसारभरि शाखा कार्यालयहरू, सर्किटहरू, मण्डलीहरू र क्षेत्र सेवा समूहहरू एकसाथ मिलेर सुसमाचार प्रचार गर्ने काममा भाग लिन्छन्‌। हामी अर्कै भाषा बोल्ने मानिसहरू लगायत सबैलाई प्रचार गर्छौं।—प्रका १४:६, ७.

अरूलाई सत्य सिक्न मदत गर्न के तपाईँले अर्कै भाषा सिक्नेबारे विचार गर्नुभएको छ? तपाईँसित नयाँ भाषा सिक्ने समय छैन भने पनि JW ल्याङ्‌ग्वेज एप प्रयोग गरेर कुनै सरल प्रस्तुति सिक्न सक्नुहुन्छ। प्रथम शताब्दीका ख्रिष्टियनहरूले अरू ठाउँका मानिसहरूलाई तिनीहरूकै भाषामा “परमेश्‍वरको विषयमा अद्‌भुत कुराहरू” सुनाएका थिए। आफ्नै भाषामा सुसमाचार सुन्‍न पाउँदा तिनीहरू आश्‍चर्यचकित भएका थिए। यसरी अरूलाई प्रचार गर्नुहुँदा सायद तपाईँ पनि ती ख्रिष्टियनहरूजस्तै हर्षित हुनुहुनेछ।—प्रे २:७-११.

यहोवाको साथी बनौँ—अर्कै भाषामा प्रचार गर भिडियो हेर्नुहोस्‌ अनि निम्न प्रश्‍नहरूको जवाफ दिनुहोस्‌:

• तपाईँ JW ल्याङ्‌ग्वेज एप कस्तो अवस्थामा प्रयोग गर्न सक्नुहुन्छ?

• यसका केही विशेषताहरू के-के हुन्‌?

• तपाईँको इलाकामा कुन-कुन भाषा बोल्ने मानिसहरू छन्‌?

• सुसमाचारप्रति चासो देखाउने व्यक्‍तिले अर्कै भाषा बोल्छन्‌ भने तपाईँले के गर्नुपर्छ?—od पृ. १००-१०१ अनु. ३९-४१