समानुभूति भनेको अर्को व्यक्‍तिको विचार, भावना, मूल्यमान्यता र आवश्‍यकता बुझ्न सक्ने क्षमता हो। हामीले समानुभूति देखाउँदा अरू मानिसले सजिलै महसुस गर्छन्‌ अनि यो मनैदेखि आउने कुरा हो। साक्षीकार्यमा समानुभूति देखाउँदा हामीले यहोवाको प्रेम र चासो झल्काइरहेका हुन्छौँ अनि यसले गर्दा मानिसहरू परमेश्‍वरतिर खिचिन्छन्‌।—फिलि २:४.

समानुभूति देखाउनु भनेको हामीले सिकाउनको लागि चलाउने तरिका मात्र त होइन। यो हामीले सुन्‍ने अनि बोल्ने तरिकामा झल्किन्छ। साथै हाम्रो मनोवृत्ति, इसारा र अनुहारको हाउभाउमा पनि देखिन्छ। कुनै व्यक्‍तिप्रति साँचो चासो देखाएर हामी समानुभूति देखाउँछौँ। हामी तिनको रुचि, धार्मिक आस्था र परिस्थिति याद गर्छौँ। हामी तिनलाई व्यावहारिक जानकारी र मदत त दिन्छौँ तर परिवर्तन गर्न जबरजस्ती भने गर्दैनौँ। हामीले सुसमाचार सुनाएका मानिसहरूले मदत स्विकार्दा साक्षीकार्यमा हाम्रो आनन्द अझ बढ्‌नेछ।

चेला बनाउने काममा भाग लिँदाको आनन्द महसुस गर्नुहोस्‌—आफ्नो सीप तिखार्नुहोस्‌—समानुभूति देखाएर भिडियो हेर्नुहोस्‌ अनि निम्न प्रश्‍नहरूको जवाफ दिनुहोस्‌:

• ग्रेस ढिलो आइपुग्दा निताले कसरी समानुभूति देखाइन्‌?

• ग्रेसले एकदमै तनाव भएकोले अध्ययन नगर्ने भनेर बताउँदा निताले कसरी समानुभूति देखाइन्‌?

• ग्रेसले आफू व्यवस्थित नभएको कुरा बताउँदा निताले कसरी समानुभूति देखाइन्‌?