ख्रिष्टियन जीवन
व्यक्तिगत अध्ययनलाई अझ अर्थपूर्ण बनाउनुहोस्
यसो गर्नु किन महत्त्वपूर्ण छ? परमेश्वरको वचनको व्यक्तिगत अध्ययनले “सत्यको चौडाइ, लम्बाइ, उचाइ र गहिराइ पूर्ण रूपमा” बुझ्न मदत गर्छ। (एफि ३:१८) हामी यो दुष्ट संसारमा बाँचिरहेको भए तापनि अध्ययनले हामीलाई निर्दोष र सुधो रहन अनि ‘जीवनको वचनलाई बलियोसित पक्रिराख्न’ पनि मदत गर्छ। (फिलि २:१५, १६) हामीले परमेश्वरको वचनको अध्ययन गऱ्यौँ भने व्यक्तिगत तवरमा लागू हुने कुराहरू भेट्टाउन सक्छौँ। बाइबल पढाइ र अध्ययनबाट सकेसम्म धेरै लाभ उठाउन हामी के गर्न सक्छौँ?
हामी कसरी यसो गर्न सक्छौँ?
-
आफूले प्रयोग गर्ने छापिएको वा इलेक्ट्रोनिक फर्म्याटको बाइबलका पदहरूमा धर्सो तान्नुहोस् र नोट लेख्नुहोस्
-
परमेश्वरको वचन पढ्दै जाँदा आफूलाई यी प्रश्नहरू सोध्नुहोस्: ‘को? के? कहिले? कहाँ? किन? कसरी?’
-
प्रमाणहरू केलाउनुहोस्। उपलब्ध अनुसन्धान सामग्री प्रयोग गरेर कुनै विषय वा बाइबल पदबारे अनुसन्धान गर्नुहोस्
-
पढेको कुरा आफ्नो जीवनमा कसरी लागू गर्न सकिन्छ भन्नेबारे मनन गर्नुहोस्
-
सिकेको कुरा दैनिक जीवनमा लागू गर्नुहोस्।—लुका ६:४७, ४८
‘बलियोसित पक्रिराख्न’ प्रभावकारी तरिकामा व्यक्तिगत अध्ययन गर्नुहोस् भन्ने भिडियो हेर्नुहोस् अनि त्यसपछि निम्न प्रश्नहरूको जवाफ दिनुहोस्:
-
व्यक्तिगत अध्ययनबारे कसै-कसैले के बताएका छन्?
-
व्यक्तिगत अध्ययन सुरु गर्नुअघि हामीले किन हरेक चोटि प्रार्थना गर्नुपर्छ?
-
बाइबलको कुरा राम्ररी बुझ्न हामीलाई केले मदत गर्छ?
-
व्यक्तिगत अध्ययनको लागि प्रयोग गर्ने बाइबलमा कस्ता चिन्हहरू लगाउन सक्छौँ?
-
परमेश्वरको वचन अध्ययन गर्दा मनन गर्नु किन एकदमै महत्त्वपूर्ण छ?
-
हामीले सिकेको कुराहरू के गर्नुपर्छ?
“म तपाईँको व्यवस्थालाई कत्ति प्रेम गर्छु! सारा दिन म त्यसैमा डुबिरहन्छु।”—भज ११९:९७
