पृथ्वीमा छँदा येशूले यो आज्ञालाई निकै जोड दिनुभएको थियो: “तिमीले आफ्नो बुबा र आमाको आदर गर्नू।” (प्रस्थ. २०:१२; मत्ती १५:४) येशूले निसङ्‌कोच त्यसो भन्‍न सक्नुहुन्थ्यो किनकि सानो छँदा उहाँ पनि आफ्ना बुबाआमाको “अधीनमा बस्नुभयो।” (लूका २:५१) वयस्क भइसकेपछि पनि उहाँले आफ्नो मृत्युपछि आफ्नी आमाको हेरविचार गर्ने प्रबन्ध मिलाउनुभयो।—यूह. १९:२६, २७.

अहिले हाम्रो समयमा पनि ख्रीष्टियन केटाकेटीले आफ्नो आमाबुबाको आज्ञा पालन गरेर र उहाँहरूसित आदरपूर्वक बोलेर उहाँहरूलाई आदर गरेको देखाउन सक्छन्‌। वास्तवमा भन्‍ने हो भने हामीले सधैं आमाबुबाको आदर गर्नुपर्छ। आमाबुबा वृद्ध भइसकेपछि पनि उहाँहरूको बुद्धिमानी कुराहरू सुनेर हामीले उहाँहरूलाई आदर देखाउनुपर्छ। (हितो. २३:२२) वृद्ध आमाबुबाको भावनात्मक र आर्थिक आवश्‍यकता पूरा गरेर पनि हामी उहाँहरूलाई आदर देखाउन सक्छौं। (१ति ५:८) चाहे हामी साना केटाकेटी हौं वा वृद्ध, आफ्नो आमाबुबालाई आदर देखाउने एउटा महत्त्वपूर्ण तरिका उहाँहरूसित राम्ररी कुराकानी गर्नु हो।

आमाबुबासित कसरी कुरा गर्ने? ह्वाइटबोर्ड एनिमेसन भिडियो हेर्नुहोस्‌ र यी प्रश्‍नहरूको जवाफ दिनुहोस्‌:

• आमाबुबासित कुरा गर्न किन गाह्रो लाग्न सक्छ?

• आमाबुबासित कुरा गर्दा उहाँहरूलाई आदर गरेको कसरी देखाउन सक्छौं?

• आमाबुबासित कुरा गर्न तपाईंले गर्नुभएको प्रयास किन खेर जाँदैन? (हितो. १५:२२)