ख्रिष्टियन जीवन
के तपाईँ स्मरणार्थको लागि तयारी गर्दै हुनुहुन्छ?
येसुले मनाउनुहुने अन्तिम निस्तार चाड उल्लेखनीय हुने थियो। आफ्नो मृत्यु नजिकै भएकोले उहाँले प्रेषितहरूसँगै निस्तार चाडको भोज खाने र वर्षेनी मनाउनुपर्ने एउटा नयाँ उत्सव, प्रभुको साँझको भोज सुरु गर्ने योजना बनाउनुभयो। त्यसैले उहाँले पत्रुस र युहन्नालाई कोठा तयार पार्न पठाउनुभयो। (लुका २२:७-१३; आवरण चित्र हेर्नुहोस्।) यसले हामीलाई मार्च २७ मा मनाइने स्मरणार्थको लागि तयारी गर्नुपर्ने कुरा सम्झाउँछ। मण्डलीहरूले पक्कै पनि वक्ता, प्रतीकहरू र अन्य प्रबन्धहरू मिलाइसकेको हुनुपर्छ। तर स्मरणार्थको लागि हामी प्रत्येकले कस्तो तयारी गर्न सक्छौँ?
आफ्नो हृदय तयार पार्नुहोस्। स्मरणार्थ बाइबल पढाइको भाग पढ्नुहोस् र मनन गर्नुहोस्। यसको तालिका दिनहुँ धर्मशास्त्र जाँच्ने पुस्तिकामा पाउन सक्नुहुन्छ। पवित्र बाइबल—नयाँ संसार अनुवाद-को अतिरिक्त लेख ख१२ मा अझ विस्तृत तालिका दिइएको छ। (अप्रिल २०२० को जीवन र सेवा अभ्यास पुस्तिका पनि हेर्नुहोस्।) परिवारहरूले फिरौतीको बलिदानको महत्त्वबारे आफ्नो पारिवारिक उपासनामा छलफल गर्नको लागि आवश्यक जानकारीहरू यहोवाका साक्षीहरूको लागि अनुसन्धान सहयोगी-मा पाउन सक्छन्।
अरूलाई निम्तो दिनुहोस्। निम्तो बाँड्ने अभियानमा पूरापूर भाग लिनुहोस्। तपाईँ क-कसलाई निम्तो दिन सक्नुहुन्छ, सोच्नुहोस्। जस्तै: पुनःभेटहरू, पहिलेको बाइबल विद्यार्थीहरू, इष्टमित्रहरू र आफन्तहरू। एल्डरहरूले निष्क्रिय भएकाहरूलाई निम्तो दिनुपर्छ। नबिर्सनुहोस्, तपाईँले निम्तो दिएको व्यक्ति तपाईँको इलाकामा बस्दैनन् भने jw.org/ne वेबसाइटको “हाम्रो बारेमा”-अन्तर्गत “स्मरणार्थ”-मा गएर तिनी बस्ने इलाकामा हुने स्मरणार्थ उत्सवको समय र ठेगाना थाह पाउन सक्नुहुन्छ।
हामी अरू के-कस्ता तयारी गर्न सक्छौँ?