यस ‘अन्तको दिनको’ पनि अन्तिम समयमा समस्या झन्‌झनै बढ्‌नेछ भनेर हामी आशा गर्न सक्छौँ। (२ति ३:१; “प्रसववेदना” nwtsty-E मत्ति २४:८ को अध्ययन नोट) प्राकृतिक प्रकोप आइपर्दा यहोवाका मानिसहरूले प्रायः समयमै जीवन बचाउने निर्देशनहरू पाउँछन्‌। त्यतिबेला हामी बच्ने कुरा अहिले आज्ञाकारी भई तयारी गर्नुमा निर्भर हुन्छ, यो आध्यात्मिक र शारीरिक दुवै कुरामा लागू हुन्छ।—लुका १६:१०.

• आध्यात्मिक रूपमा तयारी गर्नुहोस्‌: राम्रो आध्यात्मिक तालिका बनाउनुहोस्‌। प्रचार गर्ने विभिन्‍न तरिका सिक्नुहोस्‌। केही समयको लागि मण्डलीका दाजुभाइ दिदीबहिनीसित छुट्टिनुपरे तापनि नअत्तालिनुहोस्‌। (यसै ३०:१५) यहोवा अनि येसु सधैँ तपाईँको साथमा हुनुहुन्छ।—od पृ. १७६ अनु. १५-१७

• शारीरिक रूपमा तयारी गर्नुहोस्‌: सबै परिवारले झटपट झोला तयार राख्नुपर्छ। यसबाहेक आपत्‌कालीन अवस्थामा कुनै स्थानमा लामो समयसम्म बस्नुपर्ने हुन सक्छ। त्यसैले त्यस्तो अवस्थाको लागि पर्याप्त मात्रामा खानेकुरा, पानी, औषधी र यस्तै अन्य सरसामानहरू सञ्चय गरेर राख्नुपर्छ।—हित २२:३; g१७.५ पृ. ४-६

के तपाईं प्राकृतिक प्रकोपको सामना गर्न तयार हुनुहुन्छ? भिडियो हेर्नुहोस्‌ अनि निम्न प्रश्‍नहरूको जवाफ दिनुहोस्‌:

• प्राकृतिक प्रकोपको लागि हामीले आध्यात्मिक रूपमा कसरी तयारी गर्न सक्छौँ?

• हामीले यसो गर्नु किन महत्त्वपूर्ण छ:

  • एल्डरहरूसित सम्पर्कमा रहनु?

  • झटपट झोला तयार पार्नु?

  • कस्तो किसिमको प्रकोप आउन सक्छ भनेर विचार गर्नु र हरेक अवस्थामा के गर्ने भनेर सोच्नु?

• प्राकृतिक प्रकोपमा परेकाहरूलाई हामी कुन तीन तरिकामा मदत सक्छौँ?

आफैलाई सोध्नुहोस्‌: ‘तयार रहने सन्दर्भमा मैले कोभिड-१९ को महामारीबाट कस्तो पाठ सिक्न सकेँ?’