हामी त्रुटिपूर्ण मानिसहरू भएकोले आफ्ना इच्छाहरूलाई वशमा राख्न सङ्‌घर्ष गरिरहनुपर्ने हुन्छ। आफ्नो इच्छालाई नै बढ्‌ता महत्त्व दियौँ भने हामीले यहोवाको अनुमोदन गुमाउन सक्छौँ। जस्तै: कतिपयले गाँस, बास र कपास जुटाउने दौडधुपमा यहोवाप्रतिको प्रेमलाई ओझेलमा पर्न दिन्छन्‌। कतिपय भने आफ्नो यौन इच्छा पूरा गर्नको लागि यहोवाले तोक्नुभएको स्तर उल्लङ्‌घन गर्छन्‌। (रोमी १:२६, २७) अरू भने साथीहरूले स्विकारून्‌ भन्‍ने चाहनाले गर्दा उनीहरूले जे भन्यो, त्यही गर्छन्‌।—प्रस्थ २३:२.

हामी कसरी आफ्ना इच्छाहरूलाई वशमा राख्न सक्छौँ? हामीले आध्यात्मिक कुराहरूमा ध्यान दिन सक्दो गर्नुपर्छ। (मत्ति ४:४) साथै आफ्ना इच्छाहरूलाई वशमा राख्न मदतको लागि यहोवालाई बिन्ती गर्नुपर्छ। किन? किनभने हाम्रो लागि के असल छ अनि हाम्रो उचित इच्छाहरू कसरी पूरा गर्ने भनेर उहाँ जान्‍नुहुन्छ।—भज १४५:१६.

आफ्नो जीवनलाई धुवाँमा उड्‌न नदिनुहोस्‌ भिडियो हेर्नुहोस्‌ अनि निम्न प्रश्‍नहरूको जवाफ दिनुहोस्‌:

• केही मानिसहरू किन चुरोट पिउँछन्‌?

• चुरोट पिउँदा तपाईँलाई कस्तो हानी पुग्छ?

• चुरोट पिउनु र भेपिङ्‌ गर्नु किन गलत हो?—२को ७:१

• चुरोट पिउन इन्कार गर्न वा त्यसको कुलत त्याग्न तपाईँ के गर्न सक्नुहुन्छ?