• भज ३६:६—भजनरचयिताले यहोवाको धार्मिकतालाई “विशाल पहाडहरूजस्तै [अर्थात्‌ “परमेश्‍वरका पहाडहरूजस्तै,” फुटनोट]” भन्‍नुको अर्थ के हुन सक्छ? (it-2-E पृ. ४४५)

  तपाईँको जवाफ

• यस हप्ताको बाइबल पढाइबाट तपाईँले कस्ता बहुमूल्य रत्न भेट्टाउनुभयो?

  तपाईँको जवाफ

प्राकृतिक प्रकोपहरू र मानिसहरूले गर्दा हुने विपत्तिहरूको कारण संसारका विभिन्‍न ठाउँमा रहेका हाम्रा भाइबहिनीले भौतिक क्षति बेहोर्नुका साथै प्रियजनहरू गुमाएका छन्‌। (भज ९:९, १०) तर तीतो वास्तविकता के हो भने त्यस्ता ‘विपत्तिहरू’ जुनसुकै बेला हुन सक्छन्‌। त्यसैले ती सामना गर्न हामीले अहिल्यै तयारी गर्नुपर्छ।

विपत्ति आइपर्दा बच्नको लागि कस्ता सरसामानको बन्दोबस्त मिलाउने, कहाँ भाग्ने र कसलाई सम्पर्क गर्ने जस्ता कुराहरू पहिल्यै पक्का गर्नुको अलावा a हामीले अरू कस्तो तयारी पनि गर्नुपर्छ?

• मनको तयारी गर्ने: विपत्ति जुनसुकै बेला जुनसुकै ठाउँमा पनि आउन सक्छ भन्‍ने कुरा स्विकार्नुहोस्‌। भौतिक सरसामानहरूप्रति सन्तुलित दृष्टिकोण राख्न सिक्नुहोस्‌। यसो गर्नुभयो भने तपाईँले विपत्ति आइपर्दा बुद्धिमानी र निर्णायक कदम चाल्न सक्नुहुनेछ। तपाईँले सरसामानहरू जोगाउन खोज्नुको साटो आफ्नो जीवन बचाउने र सुरक्षित रहने कुरालाई बढी महत्वपूर्ण ठान्‍नुहुनेछ। (उत्प १९:१६; भज ३६:९) साथै सरसामानहरू गुमाउँदा विचलित हुनुहुनेछैन र तपाईँलाई अचाक्ली भावनात्मक पीडा हुनेछैन।—भज ३७:१९

• आध्यात्मिकता बलियो बनाउने: यहोवा तपाईँको ख्याल राख्न सक्नुहुन्छ र चाहनु पनि हुन्छ भन्‍ने कुरामाथिको भरोसालाई बलियो बनाउनुहोस्‌। (भज ३७:१८) साथै हामीले प्रकोप आउनुअघि नै आफूलाई यो कुरा सम्झाइरहनुपर्छ: प्रकोप आउँदा “लुटको मालसरह” सायद हाम्रो ज्यान मात्र जोगिएला तैपनि यहोवाले हामीलाई डोऱ्‍याउनुहुनेछ र थाम्नुहुनेछ।—यर्मि ४५:५; भज ३७:२३, २४

यहोवा आफ्ना प्रतिज्ञाहरू पूरा गर्नुहुन्छ भन्‍ने कुरामाथिको विश्‍वास बलियो छ भने ‘दुःखको समयमा उहाँ हाम्रो गढ हुनुहुनेछ।’—भज ३७:३९.

के तपाईँ विपद्‌को सामना गर्न तयार हुनुहुन्छ? भिडियो देखाउनुहोस्‌। त्यसपछि श्रोतालाई सोध्नुहोस्‌:

• विपद्‌को बेला यहोवा हामीलाई कसरी मदत गर्नुहुन्छ?

  तपाईँको जवाफ

• विपद्‌ आउँदा तयार रहन हामी कस्ता व्यावहारिक कदमहरू चाल्न सक्छौँ?

  तपाईँको जवाफ

• विपद्‌को मारमा परेकाहरूलाई हामी कसरी मदत गर्न सक्छौँ?

  तपाईँको जवाफ