ख्रिष्टियन जीवन
सधैँभरि जीवनको आनन्द उठाउनुहोस्!-का विशेषताहरू
के तपाईँले सधैँभरि जीवनको आनन्द उठाउनुहोस्! किताबमा भएका भिडियोहरू र विद्यार्थीको विचार बुझ्ने प्रश्नहरू उपयोगी पाउनुभएको छ? “कोही-कोही भन्छन्,” “लक्ष्य” र “अझ धेरै जान्नुहोस्” नि? चेला बनाउने काममा भाग लिँदा यस किताबका अरू कस्ता विशेषताहरू उपयोगी हुन सक्छन्?—मत्ति २८:१९, २०.
मिडिया: यदि तपाईँलाई छापिएको किताब प्रयोग गरेर बाइबल अध्ययन गराउन सजिलो लाग्छ भने सबै भिडियो र अरू मिडिया कसरी एकै ठाउँमा हेर्न सक्नुहुन्छ? यसको लागि डिजिटल किताबको चार वटा भागमध्ये एउटा रोज्नुहोस्। त्यसपछि सबैभन्दा तल उक्त भागको सामग्री लेखिएको लिङ्कमा थिच्नुहोस्। (चित्र १ हेर्नुहोस्।)
“छापिएको संस्करण”: यदि तपाईँले इलेक्ट्रोनिक डिभाइस प्रयोग गरेर कसैलाई अध्ययन गराउँदै हुनुहुन्छ भने अध्ययनको दौडान बेलाबेलामा “छापिएको संस्करण” हेर्नु पनि राम्रो हुनेछ। यसको लागि पाठको दायाँतिर माथिपट्टिको तीन वटा थोप्लोमा थिच्नुहोस् र “छापिएको संस्करण” रोज्नुहोस्। यसो गर्दा विषयवस्तुका विभिन्न बुँदाहरू त्यस पाठको मुख्य विषयसित कसरी सम्बन्धित छ भनेर सम्झन सक्नुहुनेछ। “डिजिटल संस्करण”-मा फर्कनको लागि तीन वटा थोप्लोमा फेरि थिच्नुहोस् र “डिजिटल संस्करण” रोज्नुहोस्।
“के म तयार छु?”: किताबको अन्ततिर भएका यी पेटीहरूले मण्डलीसित मिलेर सुसमाचार सुनाउन र बप्तिस्मा गर्न कस्ता योग्यताहरू हासिल गरेको हुनुपर्छ भनेर बुझ्न मदत गर्छ। (चित्र २ हेर्नुहोस्।)
नोट: यी नोटहरूमा कुनै-कुनै महत्त्वपूर्ण विषयबारे थप जानकारी दिइएको छ। डिजिटल संस्करणमा हरेक नोटको अन्तमा एउटा लिङ्क दिइएको छ र त्यसमा थिच्दा तपाईँ पाठको जुन ठाउँमा हुनुहुन्थ्यो, त्यहीँ फर्कन सक्नुहुनेछ। (चित्र २ हेर्नुहोस्।)
प्रगति गरिरहेको बाइबल विद्यार्थीले सधैँभरि जीवनको आनन्द उठाउनुहोस्! किताब अध्ययन गरेर सिद्ध्याउनुअघिनै बप्तिस्मा गरे भने पनि तिनीसित पूरै किताबबाट छलफल गर्नुहोस्। तिनले बप्तिस्मा गरेपछि पनि तपाईँले घण्टा, पुनःभेट र अध्ययन बुझाउन सक्नुहुन्छ। तपाईँसँगै अर्को एक जना प्रकाशक गएका छन् र अध्ययनमा भाग लिएका छन् भने तिनले पनि घण्टा बुझाउन सक्छन्।
